Uluaki tosi ki le kau Kolinto 5:11 - Tosi Tapu

¹¹ Ko leinei, ko le nea leia kua kau tosi atu kia koutou, ke aua na kotou fakatasi mo se tasi leia e igoa ko se taina kae fai feauaki a ia, pe manumanu paaga, pe tausi taulaatua, pe nukinuki, pe inu kava, pe kaia tagata, ti ke aua foki na kotou kai mo se tagata fenaaki.

Uluaki tosi ki le kau Kolinto 5:11 ပူးပေါင်းရင်းမြစ်များ

Pesalemo 10:3

Talie e fakakololia le tagata agaveli i lona manumanu, Ti e lauveli mo gologolo le tagata kaia ki le Eteleno.

Pesalemo 101:5

Ko leia e lauveli fakafufu ki lona oloi, E kau tapono ia loa lona gutu. Ko leia e maua ia ni mata matasoka mo se loto fia nealasi, e leaise kau kataki loa kiate ia.

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Mateo 18:17

Kapau e leaise fia fakalogo a ia kia latou, fakasa a ia ki le Ekelesia ; ti kapau e leaise fia fakalogo a ia ki le Ekelesia, ke fai a ia kiate koe pe se tagata pagani, pe ko se popelikano.

Mateo 23:25

Malaia kia koutou, kau sekelipa mo kau faliseo malualoi ! Talie e kotou fufulu a tafa o le ipu mo le pa, kae i loto e lotou apele i kaia mo agaveli.

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Gaoi 1:15

I aso ana, na fakatasi ai fetaina o fakaano ki le tino lelau tino lua, na tuu loa Petelo ki aluga i lotomalie o latou, o pati :

Gaoi 9:17

Ti na ano loa Ananiasi ; ti i lana kaku loa ki le fale, na teki loa e ia ona lima kia Saulo, o pati : Saulo, loku taina, ko le Aliki Sesu, leia na sa kiate koe i le ala leia na ke au ai, na kakau ia mai au, o tupu ke toe tio ou mata ti ke ke apele i le Laumalie Maokioki.

Loma 13:13

Ke tou saele agatonu, ofaipe le saele i le ao, o mamao mei kai fakavale, mo le kona, mo fiafia fakavale, mo fai feauaki, mo le fefele ti mo le finenonofo.

Loma 16:17

E kau fakalotomakeke koutou, fetaina, ke kotou tokaga kia latou ala e fakatupu ia ni fakavaevaega mo ni nea fakatupu siga, o fakatupu veli ki le akonaki kua kotou tali. Kotou fakamamao meia latou ana.

Uluaki tosi ki le kau Kolinto 10:14

Koia, ei oku alofaaga, kotou sosola mei le tausi ki taulaatua.

Uluaki tosi ki le kau Kolinto 11:21

talie, ka soko le kai, e tasi kamata kai e le tagata lana nea kai, ti e fia kai le tasi, kae e kona le tasi.

Uluaki tosi ki le kau Kolinto 5:13

Kia latou ala i tafa, e fakamaaui latou e le Atua. Kotou too meia koutou le tagata agasala lena.

Uluaki tosi ki le kau Kolinto 6:10

mo le kau tagata fia fafine, mo le kau tagata fai tagata, mo le kau kaia, mo le kau manumanu koloa, mo le kau faakona, mo le kau lauveli, mo le kau kaia tagata, e leaise lotou ulu loa ki le puleaga o le Atua.

Uluaki tosi ki le kau Kolinto 6:6

Kae kapau e tagi se taina ki se taina, ti e fai a ia i mua o latou ala e leaise tui ?

Uluaki tosi ki le kau Kolinto 6:9

Pe leaise kotou iloa e leaise maua loa le puleaga o le Atua e le kau lee agatonu ? Aua na kotou fai sala i le nea lena : Ko le kau fai feauaki, mo le kau tausi taulaatua, mo le kau tono,

Uluaki tosi ki le kau Kolinto 7:12

Ki la ake, e leaise ko le Aliki, kae ko au leia e pati : Kapau e maua e se taina sona avaga lee tui, ti e loto malie le fafine lena ke la nonofo fakatasi, ke aua na kapu e ia le fafine ;

Uluaki tosi ki le kau Kolinto 7:15

Kapau e fia mavae leia e lee tui, ke mavae a ia. E leaise sai loa le taina pe ko le tuagaane i nea ana. Talie na kalagai tatou e le Atua ke tou mauli i le tokamalie.

Uluaki tosi ki le kau Kolinto 8:11

Ti e mate loa, o tupu ko lau iloa, le taina gaegae leia na mate ki ai Kilisito !

Kalate 2:12

Talie i mua o le kaku mai o ni iki meia Sakopo, na kai a ia mo le kau pagani, kae i lalatou kaku mai, na sola loa a ia o tuu kese, i lona i ki le kau silikosisio.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Efeso 5:5

Talie, ke kotou iloa, e leaise tagata fai feauaki, mo se tagata fakakelekele, mo se tagata manumanu, (ko lona uiga e tausi taulaatua) e maua ia le puleaga o Kilisito mo le Atua.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Lua tosi ki le kau Tesalonika 3:14

Ti kapau e leaise fakalogo se tasi ki le nea leia e motou fakasa atu i le tosi leinei, kotou fakamaumau a ia, ti aua na kotou toe fakatasi loa mo ia, o tupu ke luma ai.

Lua tosi ki le kau Tesalonika 3:6

E motou kole mamae atu, fetaina, i le igoa o lotatou Aliki ko Sesu-Kilisito, ke kotou fakamamao mei fetaina fuli ala e mauli i le gasueveli kae e leaise mulimuli ki fakatotonu ala kua kotou maua meia matou.

Uluaki tosi kia Timoteo 3:3

E tonu ke aua na inu kava a ia, pe agamakeke, kae ke agamalu, mo fakatokatoka, ti ke aua na manumanu paaga.

Uluaki tosi kia Timoteo 6:5

mo visi noa a ni tagata atamai fakapouli, ala e puli ai le maoki, ti e masalo ko le aga fakaatua ko se matapuna a ia o se koloa lasi.

Lua tosi a Soane 1:10

Kapau e au se tasi kia koutou, kae e leaise aumai e ia le akonaki lena, aua na kotou tali a ia i lokoutou fale, ti aua na kotou pati kiate ia : Malo !

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.

Apokalipisi 2:20

Kae ko le nea leia e kau fakafesagai ai kiate koe, ko lau tuku le fafine ko Sesapele, leia e pati ko le fafine polofeta, ke akonaki mo fakasese ia aku tagata fakasausau, o tupu ke lotou fai feauaki ti ke lotou kai ni inati ala kua momoli ki taulaatua.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !