Uluaki tosi ki le kau Kolinto 5:10 - Tosi Tapu

¹⁰ E leaise kau pati atu ki le kau fai feauaki katoa o le malama nei, pe ko le kau manumanu paaga, pe ko le kau kaia tagata, pe ko le kau tausi taulaatua ; talie kapau koia, e tonu loa ke kotou mavae i le malama nei.

Uluaki tosi ki le kau Kolinto 5:10 ပူးပေါင်းရင်းမြစ်များ

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Soane 15:19

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.

Soane 17:6

Kua kau fakasa lou suafa ki tagata ala na ke soli mai kiate au mei loto malie o le malama nei. Ko tagata latou a au, ti na ke soli mai latou kiate au ; ti kua lotou fakalogo ki lau folafola.

Soane 17:9

E kau faikole kia latou. E leaise kau faikole ki le malama nei, kae kia latou ala na ke soli mai kiate au, talie a au latou ;

Soane 8:23

Ti na pati loa a ia kia latou : E kotou au mei lalo ; ko au, e kau au mei aluga. E kotou au mei le malama leinei ; ko au, e leaise kau au mei le malama leinei.

Uluaki tosi ki le kau Kolinto 1:20

Kofea le poto ? Kofea le sekelipa ? Kofea le tagata fakavisi o le malama nei ? Pe na leaise fakamaoki le Atua ko se valea le poto o le malama nei ?

Uluaki tosi ki le kau Kolinto 10:27

Kapau e fakaafe koutou e se tagata lee tui ti e kotou loto loa ke kotou ano ki ai, kotou kai ki nea fuli ala e soli atu loa kia koutou, kae aua na kotou vesili o tupu ko le loto.

Uluaki tosi ki le kau Kolinto 5:11

Ko leinei, ko le nea leia kua kau tosi atu kia koutou, ke aua na kotou fakatasi mo se tasi leia e igoa ko se taina kae fai feauaki a ia, pe manumanu paaga, pe tausi taulaatua, pe nukinuki, pe inu kava, pe kaia tagata, ti ke aua foki na kotou kai mo se tagata fenaaki.

Uluaki tosi ki le kau Kolinto 5:9

Kua kau tosi atu i laku tosi kia koutou, ke aua na kotou fakatasi mo le kau fai feauaki :

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Filipe 2:15

o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,

Uluaki tosi a Soane 4:5

Ko latou, e lotou kau ki le malama nei, koia leia e lotou masau ai o mulimuli ki le malama nei, ti e logo le malama nei kia latou.

Uluaki tosi a Soane 4:7

Alofaaga, ke tou fealofaaki ia tatou ; talie e au le alofa mei le Atua, ti ko leia e alofa, na tupu a ia mei le Atua ti e iloa e ia le Atua.

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.