Uluaki tosi ki le kau Kolinto 4:6 - Tosi Tapu

⁶ Talie o tupu ko koutou, fetaina, leia kua kau too ai a nea ana o fakaaoga kiate au mo Apolosio, o tupu ke kotou ako i oma tagata ke aua na fakalaka i le nea leia kua tosi, ti ke aua na nofo se tasi o koutou mo se fia nealasi, o fili leia ki leia.

Uluaki tosi ki le kau Kolinto 4:6 ပူးပေါင်းရင်းမြစ်များ

Pesalemo 146:3

Aua na kotou fanaki ki le kau lalasi, Ki vosa o le tagata, ala e leaise mafai ke fakamauli ia.

Pesalemo 8:4

Ka kau tio ki le lagi, le gaoiaga o ou lima, Mo le masina, mo fetuu ala na ke fakatupu :

Esaia 2:22

Kotou fakagato la le tuku o lakotou fanaki ki le tagata, Leia e fakalogo lona mauli ki lana tukumanava : Talie kolea lana nea e mafai ?

Gaoi 18:24

Ti na nake loa ki Efeso se tagata Sutea, na igoa ko Apolosio, na tupu i Alekasia, ko se tagata na poto masau, ti na toe poto lasi i le Tosi tapu.

Gaoi 19:1

I le koi nofo a Apolosio i Kolinito, na kaku loa Paulo ki Efeso, i le oki o lana fakalaka i fenua o Asia. I lana felavei mo ni iki o le kau tisipulo, na pati loa a ia kia latou :

Loma 12:3

I le kalasia leia kua soli mai kiate au, e kau fakasa ki le tagata taki toka tasi o koutou, ke aua na maua ia se manatu lei e taualuga ake iate ia totonu, kae ke kofu ni manatu totonu, o mulimuli ki le lasi o le tui leia kua vaevae e le Atua ki le tagata taki toka tasi.

Uluaki tosi ki le kau Kolinto 1:12

E kau fia masau i leinei, e kotou tasi pati feneeki : Ko au, o Paulo au ! - ti ko au, o Apolosio ! - ti ko au, o Sefasi ! - ti ko au, o Kilisito !

Uluaki tosi ki le kau Kolinto 1:19

Talie kua tosi : E kau maumaui loa le poto o le kau poto, Ti e kau fakaliliu loa o noa le atamai o le kau atamai.

Uluaki tosi ki le kau Kolinto 1:31

ofaipe lona tuu i le tosi : Ko leia e fakakololia Ke fakakololia a ia i le Aliki.

Uluaki tosi ki le kau Kolinto 13:4

E kataki fualoa le alofa, ti e apele a ia i le agamalie ; e leaise loto veli le alofa ; e leaise viki tonu le alofa, ti e leaise fia nealasi a ia,

Uluaki tosi ki le kau Kolinto 3:19

Talie ko le poto o le malama nei ko se valea a ia i mua o le Atua. Talie kua tosi : E tapo e ia le kau poto i lalatou fia poto.

Uluaki tosi ki le kau Kolinto 3:21

Koia ke aua na fakakololia ai e se tasi ni tagata ; talie ko nea fuli ai a koutou :

Uluaki tosi ki le kau Kolinto 5:2

Ti kua kotou makita i le fia nealasi ! kae na leaise kotou mamae mua, o tupu ke too meia koutou leia kua fai ia le nea lena !

Uluaki tosi ki le kau Kolinto 5:6

E leaise malie lakotou fakakololia kia koutou ! Pe leaise kotou iloa ko se ga momoi fakatupu e fakatutupu ia le falina katoa ?

Uluaki tosi ki le kau Kolinto 8:1

O uiga mo inati ala kua momoli ki taulaatua, e tou iloa e tou maua fuli le iloa. E fakamakita le iloa, kae e faufau le alofa.

Uluaki tosi ki le kau Kolinto 9:23

E kau fai a nea fuli o tupu ko le Evaselio, o tupu ke kau kau ki ona koloa.

Lua tosi ki le kau Kolinto 10:12

E leaise mafai ke ma fia fakatatau ki ni iki o latou ala e fia matamua, talie e lotou fakatuu alotou fua totonu ke fuafua ai latou, ti i lalatou fakatatau latou kia latou totonu, e lotou sala atamai ai.

Lua tosi ki le kau Kolinto 10:15

E leaise ma fakakololia i ni gaoi a ni iki ake ala e tuu i tafa oma koiga. Kae e ma maua le amanaki malie, mo kapau e tupu loa o lasi lakoutou tui, ke ma liliu o toe lasi ake ia koutou, i loma faisaga totonu,

Lua tosi ki le kau Kolinto 10:7

E kotou tio ki le nea leia e sa i tafa ! Kapau e pati se tasi e kau a ia kia Kilisito, ke pati a ia iate ia totonu, kapau e kau maoki a ia kia Kilisito, ko maua foki e ma kau kia Kilisito.

Lua tosi ki le kau Kolinto 11:4

Talie, kapau e natu se tasi o fakasa atu kia koutou se tasi ake Sesu i leia kua motou fakasa ia atu, pe kapau e kotou tali se tasi ake laumalie i leia kua kotou tali ia, pe ko se tasi ake Evaselio i leia kua kotou tui ki ai, e kotou kataki malie le tagata lena.

Lua tosi ki le kau Kolinto 12:19

Lagi kua fualoa lakotou pati e ma fakamatatonu ia maua i okoutou mua. E ma masau atu i mua o le Atua, ia Kilisito : ti ko nea fuli ana, alofaaga, e ma fakasa atu o tupu ke lagai ai koutou ki aluga.

Lua tosi ki le kau Kolinto 12:20

Talie e kau i na leaise kau maua koutou, i laku tau atu, ofaipe le nea leia e kau loto ki ai, ti ke kotou maua au ofaipe le nea leia e leaise kotou loto ki ai. E kau tuania na i ai ni fefele, mo ni finenonofo, mo ni masau lalasi, mo ni fefiliaki, mo ni fatufatu, mo ni lauveli, mo ni fia nealasi, ti mo ni maveuveu.

Lua tosi ki le kau Kolinto 12:6

Kapau e kau loto ke kau fakakololia, e leaise kau fai loa pe se vale, talie e kau fakasa loa le maoki ; kae e leaise kau fai le nea lena, o tupu ke aua na maua e se tasi se manatu kiate au leia e taualuga ake i le nea leia e tio a ia ki ai iate au pe ko le nea leia e logo a ia ki ai meiate au.

Lua tosi ki le kau Kolinto 4:15

Talie e soko a nea fuli ana ko koutou, o tupu ke liuliuga le kalasia leia e fakalasi ia a fakafetai a se toka api ki le kololia o le Atua.

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Uluaki tosi ki le kau Tesalonika 1:5

Talie na leaise fakasa lamatou Evaselio kia koutou i ni masau fuai, kae i le makeke foki, mo le Laumalie Maokioki, ti mo le fakamaoki lasi ; talie e leaise puli kia koutou lamatou mauli i loto malie o koutou, o tupu ko koutou.

Lua tosi kia Timoteo 2:10

Koia e kau katakii ai a nea fuli o tupu ko le kau filifiliia, o tupu ke lotou maua foki le mauli leia ia Sesu-Kilisito, ti mo le kololia lee gato.