Uluaki tosi ki le kau Kolinto 4:12 - Tosi Tapu

¹² e motou pakia i le gaoi ki omatou lima ; nukinukii, kae motou tapuaki ; fakavelivelii, kae motou kataki ;

Uluaki tosi ki le kau Kolinto 4:12 ပူးပေါင်းရင်းမြစ်များ

Mateo 5:11

Manuia loa koutou, mo ka pativelii loa koutou, mo ka fakavelivelii loa koutou pe lau loa kia koutou a veli kesekese, o tupu ko au.

Mateo 5:44

Kae ko au, e kau pati atu kia koutou : Kotou alofa ki okoutou fili, kotou tapuaki kia latou ala e tutuku ia koutou, kotou fai le nea leia e malie kia latou ala e vesia mai kia koutou, ti kotou ulufaki latou ala e fai nea veli mai kia koutou ti mo fakaveliveli mai kia koutou,

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.

Luka 6:28

Kotou tapuaki kia latou ala e tutuku ia koutou, kotou ulufaki latou ala e fakaveliveli mai kia koutou.

Soane 15:20

Kotou manatui le folafola leia na kau fakasa atu kia koutou : E leaise lasi ake le tagata fakasausau i lona pule. Kapau na lotou fakavelivelii au, ti e lotou toe fakavelivelii foki mo koutou ; kapau na lotou fai laku folafola, ti e lotou toe fai foki lakoutou folafola.

Gaoi 18:3

ti tupu na lotou gaoi tatau, na nofo loa a ia i lola fale, o gaoi : talie na lotou fai falela.

Gaoi 20:34

E kotou iloa, e koutou totonu, ko lima anei na tausi ki nea ala na aoga kiate au ti mo latou ala na nofo mo au.

Gaoi 7:60

Ti na tuutuli loa a ia, o kalaga leo lasi : Aliki, aua na ke tuku kia latou le agasala leinei ! Ti i le oki o masau ana, na moe loa a ia.

Loma 12:14

Ke kotou tapuaki kia latou e fakaveliveli atu kia koutou, kotou tapuaki kae aua na kotou tutuku.

Loma 12:20

Kae kapau e fia kai lou fili, soli kiate ia se nea ke kai ; kapau e fia inu a ia, soli kiate ia se nea ke inu ; talie i lau fai le nea a ia, e ke tanaki loa ni malala kaka ki lona fa ulu.

Loma 8:35

Ko ai ka fakamavae ia loa tatou mei le alofa o Kilisito ? Pe ko le masaki loa, pe ko le mamae, pe ko le fakaveliveli, pe ko le fia kai, pe ko le mativa, pe ko le tutamaki, pe ko le seleta ?

Uluaki tosi ki le kau Kolinto 9:6

Pe ko maua fua mo Palenapa ala e tonu ke ma gaoi ki oma mauli ?

Lua tosi ki le kau Kolinto 11:8

Na kau fakamativa ni iki ake Ekelesia, i laku tali meia latou se totogi ke kau gaoi ai kia koutou. Ti i le temi leia na kau nofo ai ia koutou ti na kau mativa ai, na leaise kau fakamativa ia fua se tagata e toka tasi,

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Uluaki tosi ki le kau Tesalonika 2:9

Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua.

Lua tosi ki le kau Tesalonika 3:8

Na leaise motou kai noa se pane a se tasi, kae i le gaoi ti mo le pakia, na motou gaoi i le po mo le ao, o tupu ke aua na motou liliu ko se kavega ki se tasi ia koutou.

Uluaki tosi kia Timoteo 4:10

Koia e tou gaoi, ti e tou tau, talie e tou tuku latatou amanaki malie ki le Atua mauli, leia ko le Fakamauli o tagata fuli, kae tafito le kau tui.

Uluaki tosi a Petelo 2:23

a ia leia na nukinukii, kae na leaise tali fua a ia ki se nukinuki, ti na fakavelivelii kae na leaise fai e ia se tali fakamakeke, kae na fakalogo fai a ia ki leia e fakamaaui i le faitotonu ;

Uluaki tosi a Petelo 3:14

Ti kapau e kotou mamae foki o tupu ko le faitotonu, e kotou manuia loa. Ke aua na kotou i fua ki tagata, ti ke aua na kotou nofo sosa fua ki se nea ;

Uluaki tosi a Petelo 3:9

Aua na kotou totogi le veli ki le veli, pe ko le lauveli ki le lauveli, kae ke kotou tapuaki, talie kua kalagai koutou ki ai, o tupu ke kotou mau tofiga le tapuakina.

Uluaki tosi a Petelo 4:19

Koia, ko latou ala e mamae o mulimuli ki le finegalo o le Atua, ke lotou tuku lolatou laumalie ki le Tupuaga leia e agatonu ki ana fakapapau, o fai le nea leia e malie.

Suta 1:9

Kae na leaise fai fua le nea lena e le alekaselo ko Mikaele. I lana fefele mo le Tiapolo ki le tino o Moisese, na leaise fai e ia se masau nukinuki ki le Tiapolo ; kae na pati a ia : ke lolomi a koe e le Atua !