Uluaki tosi ki le kau Kolinto 4:10 - Tosi Tapu

¹⁰ Kua motou valelea o tupu ko Kilisito, kae ko koutou, kua kotou popoto ia Kilisito ; e motou gagae, kae e kotou makeke ; e fakaapaapa kia koutou, kae e nukinuki kia matou !

Uluaki tosi ki le kau Kolinto 4:10 ပူးပေါင်းရင်းမြစ်များ

Lua tosi o Sau 9:11

I le ulu ake loa a Seu ke ano ki tagata fakasausau a lona pule, na pati loa a ia kiate ia : Pe malie fai ? Kolea na au ai le vale lena kiate koe ? Na tali loa a Seu kia latou : E kotou iloa malie le tagata mo le nea leia e mafai ke pati a ia ki ai.

Taagapati 11:12

E sala atamai leia e vesia ki lona oloi, Kae e fakalologo leia e atamai.

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Oseo 9:7

Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Mateo 24:9

Ti e tuku loa koutou ke tautea, mo tamate, ti e vesiainai loa koutou e puleaga fuli, o tupu ko loku suafa.

Mateo 5:11

Manuia loa koutou, mo ka pativelii loa koutou, mo ka fakavelivelii loa koutou pe lau loa kia koutou a veli kesekese, o tupu ko au.

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Luka 18:9

Na toe fakasa loa e ia le folafola fakatata leinei, kia latou ala na fanaki ki lolatou agatonu, ti na leaise tokaga fua ki la ake kakai :

Luka 6:22

Manuia loa koutou mo ka e vesia loa a tagata kia koutou, mo ka e kapu loa koutou, mo ka e lauveli loa kia koutou, ti mo tiaki loa okoutou igoa, o tupu ko le Vosa o le tagata !

Gaoi 17:18

Ti na kamata masau loa a ia mo ni tagata filosofia o le kau Epikulio mo le kau Sitoikoto. Ti na pati a iki : Kolea e fia masau ki ai le tagata gutu masau lena ? Ti ko iki, i le logo ki lana fakasa ia Sesu mo le toe tuuake, na pati loa : E sakinake e fakasa e ia ni taulaatua foou.

Gaoi 17:32

I lalatou logo ki le masau ki le toe tuuake o le kau mate, na gologolo loa a iki, kae na pati loa a iki : Koi motou toe logo loa ki ai i se tasi ake faiaga.

Gaoi 26:24

I lana masau fenaaki ke fakamatatonu a ia, na kalaga loa Fesitusi : Paulo, kua ke valea ! Kua fakauluvale a koe e lou poto lasi.

Gaoi 9:16

ti e kau fakasa loa kiate ia a nea fuli ala e tonu ke mamae ai o tupu ko loku suafa.

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Uluaki tosi ki le kau Kolinto 1:23

Kae ko maua, e ma fakasa Kilisito na tutuki i le koluse, ko le tukiaaga ki le kau Sutea, ti ko le valea ki le kau pagani,

Uluaki tosi ki le kau Kolinto 1:25

Talie ko le valea o le Atua e poto ake i tagata, ti ko le gaegae o le Atua e makeke ake i tagata.

Uluaki tosi ki le kau Kolinto 10:12

Koia, ko leia e manatu e tuu a ia i aluga, ke tokaga a ia na vilo !

Uluaki tosi ki le kau Kolinto 2:14

Kae e leaise tali e le tagata fakanatula a nea o le Laumalie o le Atua, talie ko se valea latou kiate ia, ti e leaise mafai ke iloa e ia latou, talie koi iloa fakalaumalie fai latou.

Uluaki tosi ki le kau Kolinto 2:3

Ti ko au totonu, na kau nofo ia koutou i se gaegae, mo se tuania, ti mo se lulu lasi ;

Uluaki tosi ki le kau Kolinto 3:18

Ke aua na kakai e se tasi a ia totonu : Kapau e tui se tasi ia koutou ko se poto a ia i le sekulo leinei, ke liliu a ia ko se vale, o tupu ke liliu a ia ko se poto.

Uluaki tosi ki le kau Kolinto 3:2

Na kau soli atu kia koutou se sua u, kae leai se nea kai fefeka, talie na leaise kotou ma tatali a ia ; ti e tatau foki i le temi nei, e leaise kotou ma tatali a ia, talie koi kotou fakakanofi.

Uluaki tosi ki le kau Kolinto 4:8

Ko leinei, kua kotou makona ; kua kotou mou koloa, kua kotou kamata sau kae sala mo maua. Ti e amusia ake ke kotou sau maoki, o tupu ke ma sau foki mo koutou !

Lua tosi ki le kau Kolinto 10:10

Talie e pati : e mamafa mo makeke ana tosi ; kae ka nofo totonu a ia, e gaegae fua a ia, ti e veli lana masau.

Lua tosi ki le kau Kolinto 11:19

Talie e kotou kataki le kau vale, e koutou ala e popoto !

Lua tosi ki le kau Kolinto 11:29

Kapau e gaegae se tasi, e kau logoi foki se gaegae ? Kapau e vilo ki le agasala se tasi, e kau logoi se mamae lasi ?

Lua tosi ki le kau Kolinto 13:9

E ma fiafia mo ka ma gagae, kae kotou makeke ; ti ko le nea leia e ma kole i ama faikole, ko lokoutou malie tukupau.

Lua tosi ki le kau Kolinto 4:12

Koia e gaoi ai le mate ia maua, kae gaoi le mauli ia koutou.

Lua tosi ki le kau Kolinto 6:8

i loto malie o le kololia mo le matagafua, i loto malie o le logologona malie mo le logologona veli ; ofaipe ni tagata kaka, kae e ma maoki ;

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.

Uluaki tosi a Petelo 4:14

Kapau e lauvelii koutou o tupu ko le suafa o Kilisito, e kotou manuia, talie e nofo ia koutou le Laumalie o le kololia, le Laumalie o le Atua.