Uluaki tosi ki le kau Kolinto 4:1 - Tosi Tapu

¹ Koia, ke tio mai kia maua ofaipe ni tagata fakasausau a Kilisito, ti mo ni tagata tausi o misitelio o le Atua.

Uluaki tosi ki le kau Kolinto 4:1 ပူးပေါင်းရင်းမြစ်များ

Mateo 13:11

Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Mateo 24:45

Ko ai loa le tagata fakasausau agatonu mo poto, leia kua fakanofo e lona aliki ke pule ki ana kakai, mo tufa ia kia latou le nea kai i lona temi totonu.

Maleko 4:11

Ti na pati loa a ia kia latou : Kua tuku atu kia koutou ke kotou iloa le misitelio o le puleaga o le Atua ; kae kia latou ala i tafa e fai a nea fuli anei i ni folafola fakatata,

Luka 1:2

o mulimuli ki le nea leia na tuku mai kia matou e latou ala na tio mata ki ai, ti kua liliu ko ni tagata fakasausau ki le folafola, talu mei le kamataaga ;

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 8:10

Na tali loa Sesu : Kua tuku atu kia koutou ke kotou iloa a misitelio o le Puleaga o le Atua ; kae kia latou ake ala, kua fakasa a ia i ni folafola fakatata, o tupu ke lotou tio mata kae aua na lotou tio fua, ti ke lotou logo taliga kae aua na lotou matala fua.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Uluaki tosi ki le kau Kolinto 2:7

Kae e ma fakasa le poto fakafufu o le Atua, leia e fufu ki le tagata, kae na fakatuutuu e le Atua, i mua o le fakatupu o le malama nei, ki lotatou kololia,

Uluaki tosi ki le kau Kolinto 3:5

Ko ai Apolosio, ti ko ai Paulo ? Ko ni tagata fakasausau fai laua, ala na kotou tui ai, o mulimuli ki le nea leia na soli e le Aliki kia laua taki toka tasi.

Uluaki tosi ki le kau Kolinto 4:13

lauvelii, kae motou masau mo le agamalie ; o kaku mai ki le aso leinei, kua motou liliu ko ni penu o le malama nei, ko ni faikauga o tagata fuli.

Uluaki tosi ki le kau Kolinto 4:2

Ti ko le nea foki leia e kole ki ni tagata tausi koloa, ke lotou tasi agatonu i lana gaoi.

Lua tosi ki le kau Kolinto 11:23

Pe ko tagata fakasausau latou a Kilisito ? E kau masau fakavale, e kau fakalaka ake ia latou : i gaoi, e kau lasi ake ; i sasa, e kau toe lasi ake ; i fakapilisoni, e kau lasi ake. Na tua lasi loku tutamaki ki le mate.

Lua tosi ki le kau Kolinto 12:6

Kapau e kau loto ke kau fakakololia, e leaise kau fai loa pe se vale, talie e kau fakasa loa le maoki ; kae e leaise kau fai le nea lena, o tupu ke aua na maua e se tasi se manatu kiate au leia e taualuga ake i le nea leia e tio a ia ki ai iate au pe ko le nea leia e logo a ia ki ai meiate au.

Lua tosi ki le kau Kolinto 4:5

E leaise ma akonaki kia maua totonu ; ko le Aliki ko Sesu-Kilisito leia e ma akonaki ki ai, ti e ma pati ko akoutou tagata fakasausau maua o tupu ko Sesu.

Lua tosi ki le kau Kolinto 6:4

Kae e ma faiga ke ma malie kia koutou i nea fuli, ofaipe ni tagata fakasausau a le Atua, i se kataki fualoa i mamae, i mativa, i tutamaki,

Efeso 1:9

ti kua fakasa e ia kia tatou le misitelio o lona finegalo, o mulimuli ki le fakatuutuu fakaalofa leia na fai e ia iate ia totonu,

Efeso 6:19

Kotou ulufaki au, o tupu ke soli mai kiate au, mo ka kau fakamavaa loku gutu, ke kau fakasa i le loto toa ti mo le lauatea le misitelio o le Evaselio,

Kolose 2:2

o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Kolose 4:3

Kotou ulufaki foki maua, o tupu ke fakamavaa e le Atua kia maua se matapa o uiga mo le folafola, ti ke feala ke kau fakasa le misitelio o Kilisito, leia e tupu ai laku nofo i tini anei,

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Uluaki tosi kia Timoteo 3:6

E leaise tonu ko se tasi leia nao tafoki foou, talie ke aua na makita a ia i le fia nealasi o vilo ki le fakamaau a Satana.

Uluaki tosi kia Timoteo 3:9

kae ke lotou taupau a koloa fakafufu o le tui i se loto mea.

Tito 1:7

Talie e tonu ke lee sala le epikopo, ofaipe se tagata taupau koloa a le Atua ; ke aua na fia nealasi a ia, mo itaita, mo inu kava, mo agamakeke, mo manumanu ki koloa fakalumaluma,

Uluaki tosi a Petelo 4:10

Ofaipe ni tagata taupau koloa malie o kalasia kesekese o le Atua, ke kotou tasi fakaaoga kia koutou le nea alofa leia kua kotou maua.