Uluaki tosi ki le kau Kolinto 3:9 - Tosi Tapu

⁹ Talie e ma kau gaoi mo le Atua. Ko koutou ko le faigasaga a le Atua, le fale o le Atua.

Uluaki tosi ki le kau Kolinto 3:9 ပူးပေါင်းရင်းမြစ်များ

Pesalemo 118:22

Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Pesalemo 72:16

E lasi loa le fulumeto i le fenua, i le tumutumu o mauga, Ti e taugaoi loa olatou taulu fulumeto ofaipe laakau o Lipane ; E se loa a tagata i kolo ofaipe le mutie o le fenua.

Taagapati 9:1

Na fakatuu e le poto lona fale, Na ta e ia ona fa pou e fitu.

Esaia 32:20

Kae manuia koutou ala e muluki fakaili i tafatafa o le vai, Ti e tuku ia le pipi mo le asino ke feanoaki faitalisa !

Esaia 61:11

Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esaia 61:5

E nofo loa ni kau matapule i ai, ti e lotou fagai loa akoutou kau manu, E gaoi loa ni vosa o le matapule i akoutou faisaga mo akoutou vite.

Selemia 2:21

Na kau to a koe ofaipe se vite malie, Leia na to ki se pulapula malie tukupau. Kolea na ke fetogi ai, Na ke liliu ai o veli ofaipe se vite matapule ?

Mateo 15:13

Na tali loa Sesu : Ko ga laakau fuli ala na leaise to e loku Tamana i Selo e taaki loa.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Mateo 9:37

Na pati loa Sesu ki ana tisipulo : E lasi ai le fuata kae toka teiki fua le kau gaoi.

Maleko 16:20

Ti na ano loa ana tisipulo o akonaki i potu fuli. Na gaoi le Aliki mo latou, ti na fakamaoki e ia le folafola ki ni milakulo na soko.

Gaoi 4:11

Ko Sesu Ko le fatu leia na tiaki e koutou ala na laga ia, Ti kua liliu a ia ko le fatu tafito o le agele.

Uluaki tosi ki le kau Kolinto 3:16

Pe leaise kotou iloa ko le fale tapu koutou o le Atua, ti e nofo le Laumalie o le Atua ia koutou ?

Uluaki tosi ki le kau Kolinto 3:6

Na kau to ia, ti na fakavai e Apolosio, kae na fakasomo e le Atua.

Uluaki tosi ki le kau Kolinto 6:19

Pe leaise kotou iloa ko lokoutou tino ko le fale tapu a ia o le Laumalie Maokioki leia ia koutou, leia kua kotou tali mei le Atua, ti e leaise kotou maua koutou totonu.

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Kolose 2:7

o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Uluaki tosi kia Timoteo 3:15

kae kapau e kau tuvai atu, ke ke iloa loa le nea leia e tonu ke fai i le fale o le Atua, leia ko le Ekelesia o le Atua mauli, ko le pou, mo le fakatafito, ti mo le taofiaga o le maoki.

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Tolu tosi a Soane 1:8

Koia e tonu ai ke tou tali a tagata fenaaki, o tupu ke tou kau gaoi fakatasi mo latou ki le maoki.