Uluaki tosi ki le kau Kolinto 3:6 - Tosi Tapu

⁶ Na kau to ia, ti na fakavai e Apolosio, kae na fakasomo e le Atua.

Uluaki tosi ki le kau Kolinto 3:6 ပူးပေါင်းရင်းမြစ်များ

Pesalemo 127:1

Katiko o le fanoga tapu. A Salomone. Kapau e leaise fau e le Eteleno le fale, Ko latou ala e fau ia a ia e gaoi noa ; Kapau e leaise leoleo e le Eteleno le kolo, Ko leia e leoleo ia a ia e alaala noa.

Pesalemo 62:11

Ke aua na kotou fanaki ki le fakamakeke, Ti ke aua na kotou tuku se fanaki sala ki le kaia ; Ka tupu a koloa o lasi, Ke aua na pipiki ki ai okoutou loto.

Pesalemo 62:9

Atu kakai, ke kotou fanaki tuumau kiate ia, Ke kotou liligi okoutou loto i ona mua ! Ko le Atua ko lotatou mumuniaga. - Manava.

Taagapati 11:25

Ko le laumalie leia e manava alofa e makona loa, Ti ko leia e fakavai e toe fakavai loa a ia totonu.

Esaia 61:11

Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Gaoi 11:18

I le oki o lalatou fakalogo ki le nea lena, na lotou fimalie loa ti na lotou fakakololia ki le Atua, o pati : Kua tuku foki e le Atua le fakasemala ki le kau pagani, o tupu ke lotou maua le mauli lee gato.

Gaoi 14:27

I lala kaku ki Atiokia, na la fakatasii loa le Ekelesia, ti na la fakamatala loa a nea fuli ala na fai e le Atua ia laua, lana fakamavaa ki le kau pagani le matapa o le tui.

Gaoi 16:14

Ko se tasi o latou, na igoa ko Litia, fafine fakatau kie kula mauiga mei le kolo ko Tiatile, na fakalogo. Ti na fakamavaa loa e le Aliki lona loto, o tupu ke tokaga a ia ki le nea leia na masau ki ai Paulo.

Gaoi 18:24

Ti na nake loa ki Efeso se tagata Sutea, na igoa ko Apolosio, na tupu i Alekasia, ko se tagata na poto masau, ti na toe poto lasi i le Tosi tapu.

Gaoi 19:1

I le koi nofo a Apolosio i Kolinito, na kaku loa Paulo ki Efeso, i le oki o lana fakalaka i fenua o Asia. I lana felavei mo ni iki o le kau tisipulo, na pati loa a ia kia latou :

Gaoi 21:19

I le oki o le fakatau mauli mo latou, na fakamatala katoa loa e ia a nea ala na fai e le Atua i atu puleaga i lana gaoi.

Loma 15:18

Talie kapau e mafai ke kau masau ki se nea, ti ko le nea fai leia na fai e Kilisito iate au ke aumai ai le kau pagani ki le fakalogo ki le Atua, ki le folafola mo gaoi,

Uluaki tosi ki le kau Kolinto 1:12

E kau fia masau i leinei, e kotou tasi pati feneeki : Ko au, o Paulo au ! - ti ko au, o Apolosio ! - ti ko au, o Sefasi ! - ti ko au, o Kilisito !

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 3:22

Pe ko Paulo, pe ko Apolosio, pe ko Sefasi, pe ko le malama nei, pe ko le mauli, pe ko le mate, pe ko nea o le temi nei, pe ko nea o le temi ka au.

Uluaki tosi ki le kau Kolinto 3:7

Koia e leaise ko ia leia e to ia ko se nea, pe ko leia e fakavai ia, kae ko le Atua leia e fakasomo ia.

Uluaki tosi ki le kau Kolinto 9:1

Pe leaise kau lauatea ? Pe leaise ko se apositolo au ? Pe na leaise kau tio kia Sesu lotatou Aliki ? Pe leaise ko laku gaoiaga koutou i le Aliki ?

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Uluaki tosi ki le kau Tesalonika 1:5

Talie na leaise fakasa lamatou Evaselio kia koutou i ni masau fuai, kae i le makeke foki, mo le Laumalie Maokioki, ti mo le fakamaoki lasi ; talie e leaise puli kia koutou lamatou mauli i loto malie o koutou, o tupu ko koutou.