Uluaki tosi ki le kau Kolinto 3:17 - Tosi Tapu

¹⁷ Kapau e maumaui e se tasi le fale tapu o le Atua, e maumaui loa a ia e le Atua ; talie e maokioki le fale tapu o le Atua, ti ko lona fale tapu ko koutou.

Uluaki tosi ki le kau Kolinto 3:17 ပူးပေါင်းရင်းမြစ်များ

Senesi 28:17

Na i loa Sakopo, ti na pati loa a ia : E fakaii ai le ganea leinei ! Ko le fale leinei o le Atua ! Ko le matapa leinei o Selo !

Uluaki tosi o Koloniko 29:3

Ti e tupu foki ko loku alofa ki le fale o loku Atua, e kau soli ki le fale o loku Atua laku aulo mo laku paaga totonu, kae e leaise lau a nea ala na kau teuteui ki le sagatualio :

Pesalemo 74:3

Saele ou vae ki ganea ana na maumaui tuumau ! Na maumaui e le fili a nea fuli i le sagatualio.

Pesalemo 79:1

Pesalemo a Asafe. Ei Atua ! kua nofo a atu puleaga i lou tofiga, Kua lotou fakakelekele lou fale tapu maokioki, Kua lotou fakaliliu Selusalemi ko se tuuga fatu.

Pesalemo 93:5

E maoki katoa au fakamaoki ; E gali mo lou fale le maokioki, Ei Eteleno ! ki le gatoaga o le malama nei.

Pesalemo 99:9

Kotou fakasa le mafimafi o le Eteleno, lotatou Atua, Ti kotou punou i lona mauga maokioki ! Talie e maokioki le Eteleno, lotatou Atua !

Ekesote 3:5

Na pati loa le Atua : Aua na ke fakafeofi mai ki leinei, too ou taka mei ou vae, talie ko le ganea leinei e ke tuu ai ko se kele taputapu a ia.

Esaia 64:11

I le oki o le nea lena, ei Eteleno, pe ke toe kataki loa ? Pe ke fakalologo loa, ti mo ke fakamamae loa matou ke veli ?

Esekiele 43:12

Ko lena le lao o le fale. I le tumutumu o le mauga, e maokioki loa le ganea katoa leia e tonu ke fakatuu ai a ia. Ko lena le lao o le fale.

Esekiele 5:11

Koia e pati le Aliki, le Eteleno : E kau mauli ! O tupu na ke fakakelekele loku fale tapu ki au taulaatua fuli mo au nea fakalialia fuli, ko au foki, e kau too loa oku mata iate koe, ti e leaise maua loa e loku fa mata se manava alofa kiate koe.

Esekiele 7:22

E kau maliu kese loa oku mata ia latou, Ti e fakakelekele loa loku sagatualio ; E ulu loa ki ai ni tagata itaita, ti e lotou fakakelekele loa a ia.

Levitiko 15:31

Kolua fakamamao mei le sagatualio le kakai o Iselaele mo ka e lotou kelekele ; ti e leaise lotou mamate loa o tupu ko le fakakelekele o loku nofoaga leia e tuu i loto malie o latou.

Levitiko 20:3

Ti ko au, e kau tagaki loa oku mata ki le tagata lena ti e kau tuuti loa a ia mei lona kakai, talie kua momoli e ia lana fanau kia Moloke, ti kua fakakelekele e ia loku sagatualio, ti kua fakamatagafua e ia loku suafa tapu.

Sofoni 3:4

E matasosoka mo kaka ona polofeta ; E maumaui e ana tagata faisakilifisio a nea tapu mo le lao.

Numelo 19:20

Ko se tagata leia e kelekele loa, ti e leaise fakamea loa i le vai, e tuuti loa a ia mei loto malie o le fakatasi, talie kua fakakelekele e ia le sagatualio o le Eteleno. Talie na leaise afusi kiate ia le vai fakamea, e kelekele loa a ia.

Uluaki tosi ki le kau Kolinto 3:16

Pe leaise kotou iloa ko le fale tapu koutou o le Atua, ti e nofo le Laumalie o le Atua ia koutou ?

Uluaki tosi ki le kau Kolinto 3:18

Ke aua na kakai e se tasi a ia totonu : Kapau e tui se tasi ia koutou ko se poto a ia i le sekulo leinei, ke liliu a ia ko se vale, o tupu ke liliu a ia ko se poto.