Uluaki tosi ki le kau Kolinto 3:15 - Tosi Tapu

¹⁵ Kae kapau e vela le gaoi a se tasi, e puli loa lona fakapale ; kae e fakamauli loa a ia, kae sakinake na fakalaka mua a ia i le afi.

Uluaki tosi ki le kau Kolinto 3:15 ပူးပေါင်းရင်းမြစ်များ

Sopo 23:10

Kae e iloa malie e ia le ala leia na kau ano ai ; Kua asiasii e ia au, kae kau mavae loa mei ai kua kau mea ofaipe le aulo.

Pesalemo 66:10

Talie na ke asiasii matou, ei Atua ! Na ke tuku matou ke fakalaka i le kulo saka ukamea ofaipe le siliva.

Pesalemo 66:12

Na ke tuku ke eke ni tagata i omatou ulu, Na motou fakalaka i le afi mo le vai. Kae na ke too matou i ai, o tupu ke soli kia matou le mou koloa.

Amosi 4:11

Na kau fakamaveuveu a nea fuli ia koutou Ofaipe Sotoma mo Komola, ala na maumaui e le Atua ; Ti na kotou faipe se ga ugaafi leia na too i le vela. Kae logo ai le nea lena, na leaise kotou toe liliu mai kiate au, e pati le Eteleno…

Sakalia 3:2

Na folafola loa le Eteleno kia Satana : Ke valoki a koe, Satana, e le Eteleno ! Ke valoki a koe e le Eteleno, leia kua filifili ia Selusalemi ! Pe leaise ko se ugaafi kaka a koe kua tatai mei le afi ?

Gaoi 27:21

Na leaise motou kai talu mei fualoa. Ti na tuu loa Paulo i lotomalie o latou, o pati : Kau tagata, na tonu fai ke kotou fakalogo mai kiate au, ke aua na tou mavae mei Kelete, o mafai ai loa ke aua na soko kia koutou le tutamaki mo le maumau leinei.

Gaoi 27:44

kae ki la ake, ke lotou ano loa ki uta i ni papa pe ko ni koga o le vaka. Ti na lotou kaku saosaoa fuli loa ki uta.

Uluaki tosi a Petelo 4:18

Ti kapau e sao gataa le tagata agatonu, e feaki ake loa le tagata tui gataa mo le tagata agasala ?

Lua tosi a Soane 1:8

Kotou tokaga fua kia koutou totonu, o tupu ke aua na puli le fua o lakotou gaoi, kae ke kotou maua se fakapale lasi.

Suta 1:23

ke kotou fakamauli ni iki o taaki latou mei le afi ; ti ke kotou manavaalofa ki ni iki i le tuania, ti ke kotou vesia ki ni iki o kaku ki le kofu leia kua fakakelekele e le kakano.

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.