Uluaki tosi ki le kau Kolinto 3:13 - Tosi Tapu

¹³ Talie e fakasa loa a ia i le aso, talie e fakasa loa a ia e le afi ; ti e asiasii loa e le afi le anoaga o le gaoi a le tagata taki toka tasi.

Uluaki tosi ki le kau Kolinto 3:13 ပူးပေါင်းရင်းမြစ်များ

Esaia 28:17

E kau fai loa ki le loto sako se lekula, Ti mo le maokioki se nivo ; Ti e maumaui loa e le ua fatu le solaaga o le kaka, Ti e lofia loa i le vai le mumuniaga o le loi.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Selemia 23:28

Ke fakamatala e le polofeta leia na fai ia se moemiti lana moe, Ti ke fakasa laku folafola i le maoki e leia na logo ki laku folafola. Kolea e filo ai le penu mo le fulumeto ? e pati le Eteleno.

Selemia 23:29

Pe leaise fai laku folafola pe se afi, e pati le Eteleno, Pe se amale leia e fatifati ia le fatu ?

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Malakia 3:17

E lotou liliu loa ko loku kakai, e pati le Eteleno o kau tau, E lotou liliu loa ko loku koloa mauiga, i le aso leia e kau teuteui. E kau alofa loa kia latou, Ofaipe se tagata e alofa ki lona vosa leia e tausi kiate ia.

Malakia 3:2

Ko ai e mafai loa ke tuu i le aso o lana saele mai ? Ko ai e tuu loa i aluga mo ka sa mai loa a ia ? Talie e fai loa a ia pe le afi a le tagata saka ukamea, Pe le topa a le tagata faifo.

Mateo 10:15

E kau pati maoki atu kia koutou : I le aso o le fakamaau, e tautea loa le fenua o Sotoma mo Komola o maamaa ake i le kolo lena.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Luka 2:35

ti kiate koe totonu, e sukii loa e se seleta lou mafu, o tupu ke sa a manatu o loto o se toka api.

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Uluaki tosi ki le kau Kolinto 3:12

Ti kapau e fau loa e se tasi i aluga o le fakavae lena ki se aulo, se siliva, ni fatu mauiga, ni laakau, se mutie, se penui fulumeto, e fakasa loa le gaoi a le tagata taki toka tasi :

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Lua tosi kia Timoteo 1:18

Ke alofa le Aliki o tuku kiate ia lona manavaalofa i tafa o le Aliki i le aso lena. E ke iloa malie le lasi o nea fuli ala na fai e ia kiate au i Efeso.

Lua tosi kia Timoteo 3:9

Kae e leaise lotou tuputupua loa i le tui, talie e sa loa lolatou valea ki tagata fuli, ofai foki pe le valea o le sa tagata lena.

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Epelo 10:25

Ke aua na tou tiaki latatou fakatasi ofaipe le fai masani a ni iki, kae tou feakonakiaki ia tatou, ti e toe asilisili ake le nea lena kua kotou tio kua ofi mai le aso.

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Uluaki tosi a Petelo 4:12

Ei oku alofaaga, aua na kotou punamauli i le gutuumu kaka o le asiasii leia e kotou lolotoga ai, o sakinake kua soko kia koutou se nea foou.

Lua tosi a Petelo 3:10

E au loa le aso o le toe liliu mai o le Aliki ofaipe se tagata kaia ; i le aso lena, e puli loa le atu lagi i se gugulu lasi, ti e vela loa a nea fuli i le lagi o okioki, ti e toe vela loa o okioki le kele mo gaoiaga i ai.

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.

Apokalipisi 20:12

Ti na kau tio loa ki le kau mate, lalasi mo liliki, na tuu i mua o le ekeekeaga fakasau. Ti na fakamavaa loa ni tosi. Ti na fakamavaa loa mo se tasi ake a tosi, leia ko le tosi o le mauli. Ti na fakamaaui loa le kau mate o mulimuli ki alatou gaoi, ofai ki le nea leia e tuu i tosi ana.