Uluaki tosi ki le kau Kolinto 2:8 - Tosi Tapu

⁸ Poto leia na leaise iloa e se tasi fua o le kau pule o le sekulo leinei, talie, kanapau na lotou iloa a ia, na leaise lotou tutuki loa i le koluse le Aliki o le kololia.

Uluaki tosi ki le kau Kolinto 2:8 ပူးပေါင်းရင်းမြစ်များ

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Mateo 13:22

Ko leia na tali ia le fakaili i vao talatala, ko leia e logo ki le folafola, kae ko tuania o le mauli ti mo olioli noa ki koloa fakamalama e tapono ia le folafola iate ia ke aua na fua iate ia.

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 7:48

Pe i ai se tasi o le kau pule pe ko le kau faliseo kua tui kiate ia ?

Soane 8:19

Na lotou pati loa kiate ia : Kofea lou Tamana ? Na tali loa Sesu : E leaise kotou iloa fua au, pe ko loku Tamana. Kanapau na kotou iloa au, e kotou iloa foki loku Tamana.

Gaoi 13:27

Kae na leaise iloa loa Sesu e le kakai o Selusalemi ti mo olatou pule, talie na leaise lotou matala foki ki folafola a le kau polofeta ala e lau i aso sapato fuli ; koia na lotou fakamaoki ai loa ki folafola ana, o fakatuaa Sesu ki le mate.

Gaoi 7:2

Ti na tali loa Setefano : Kau tagata fetaina mo tamana, kotou fakalogo mai ! Na sa loa le Atua o le kololia ki lotatou tamana ko Apalaamo, ka koi nofo a ia i le fenua o Mesopotamia, i mua o lana nofo i Salani ; ti na pati loa a ia kiate ia :

Uluaki tosi ki le kau Kolinto 1:20

Kofea le poto ? Kofea le sekelipa ? Kofea le tagata fakavisi o le malama nei ? Pe na leaise fakamaoki le Atua ko se valea le poto o le malama nei ?

Uluaki tosi ki le kau Kolinto 2:6

Kae ko se poto leia e motou fakasa ia latou ala e saosaoa, poto leia e leaise au mei le sekulo leinei, pe mei pule o le sekulo leinei, ala ka maumaui loa.

Lua tosi ki le kau Kolinto 3:14

Kae kua lotou liliu o fefeka i olatou atamai. Talie o kaku mai ki le aso nei, e koi tuumau le pulou lena mo ka lotou lau le Tausi Afea, ti e leaise toe puli le kie lena, talie koi puli a ia ia Kilisito.

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Efeso 4:18

E lotou maua se atamai fakapouli, e lotou matapule ki le mauli o le Atua, o tupu ko le fakapouli leia e maua ia latou, o tupu ko le fakafefeka o olatou loto.

Uluaki tosi kia Timoteo 1:13

a au leia na nofo i mua ko se tagata fatituu ki le Atua, ko se tagata fakaveliveli, ko se tagata agamakeke. Kae na manavaalofa le Atua kiate au, talie na kau fai a nea ana i le fakapouli, talie na leaise kau tui ;

Sakopo 2:1

Ei oku fetaina, ke mea lakoutou tui ki lotatou Aliki fakakololia ko Sesu-Kilisito mei fakapalatasi fuli.