Uluaki tosi ki le kau Kolinto 2:7 - Tosi Tapu

⁷ Kae e ma fakasa le poto fakafufu o le Atua, leia e fufu ki le tagata, kae na fakatuutuu e le Atua, i mua o le fakatupu o le malama nei, ki lotatou kololia,

Uluaki tosi ki le kau Kolinto 2:7 ပူးပေါင်းရင်းမြစ်များ

Pesalemo 78:2

E kau fakamavaa loku gutu i ni folafola fakatata, E kau fakasa le poto mei le temi afea.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Mateo 13:35

o tupu ke fakasoko le nea leia na fakailo fakatomua e le polofeta : E kau fakamavaa loa loku gutu i ni folafola fakatata, E kau fakasa loa ni nea ala na munia talu mei le fakatupu o le malama nei.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Loma 8:30

Ti ko latou ala na fakatuutuu fakatomua e ia, na kalagai foki e ia latou ; ti ko latou ala na kalagai e ia, na fakamatatonu foki e ia latou ; ti ko latou ala na fakamatatonu e ia, na fakakololia foki e ia latou.

Uluaki tosi ki le kau Kolinto 2:1

Kiate au, fetaina, i laku natu kia koutou, na leaise kau natu o fakasa atu kia koutou le fakamaoki o le Atua i se masau malie pe ko se poto lasi.

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Efeso 3:10

Koia kua iloa ai i le aso nei e le kau pule mo le kau makeke i potu fakalagi i le Ekelesia le poto lee gato o le Atua i ona anoaga kesekese,

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Epelo 11:3

Ko le tui leia e tou iloa ai na fakatupu le malama nei e le folafola a le Atua, ti ko le nea leia e tio ki ai na leaise fakatupu a ia ki ni nea ala e tio ki ai.

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.

Uluaki tosi a Petelo 5:1

Ko nei a ekenaki ala e kau fai ki le kau fakamatuatua ala e nonofo ia koutou, ko au, ko se tagata fakamatuatua ofaipe latou, ti ko se tagata fakamaoki ki mamae o Kilisito, ti ko se tasi foki kua kau ki le kololia leia e tonu ke fakasa :

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Lua tosi a Petelo 1:3

Ko lona mafimafi fakaatua na soli ia mai kia tatou a nea fuli ala e aoga ki le mauli mo le tausi ki le Atua, i le iloa o leia kua kalagai ia tatou ke tou kau ki lona kololia totonu mo lona agamalie.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.