Uluaki tosi ki le kau Kolinto 2:15 - Tosi Tapu

¹⁵ Kae e iloa e le tagata fakalaumalie a nea fuli, ti e leaise mafai ke fakamaaui a ia e se tasi.

Uluaki tosi ki le kau Kolinto 2:15 ပူးပေါင်းရင်းမြစ်များ

Lua tosi a Samuele 14:17

Na pati lau fafine fakasausau : Ko le masau a loku aliki, le sau, e soli ia mai loa kiate au le fulufulumalie. Talie e tatau loku aliki, le sau, mo se aselo a le Atua, kua nofo teuteu a ia ke logo ki le malie mo le veli. Ti ke nofo mo koe le Eteleno, lou Atua !

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Taagapati 28:5

Ko tagata ala e fai ia le veli e leaise matala ki le nea leia e totonu ; Kae ko latou ala e afa ia le Eteleno e matala ki nea fuli.

Ekelesiasi 8:5

Ko leia e fai ia le folafola e leaise iloa loa e ia se nea veli. Ti e iloa e le tagata poto le temi mo le fakamaau.

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Gaoi 16:3

Ti na loto loa Paulo ke ave e ia a ia ; ti na too loa e ia Timoteo o silikosisio, o tupu ko le kau Sutea leia na nofo i ganea ana, talie na lotou iloa fuli e tamana Keleka a ia.

Uluaki tosi ki le kau Kolinto 14:37

Kapau e pati se tasi ko se polofeta a ia, pe maua e ia se nea alofa fakalaumalie, ke iloa e ia ko le nea leinei e kau tosi atu kia koutou ko se fakatotonu a ia mei le Aliki.

Uluaki tosi ki le kau Kolinto 3:1

Kiate au, fetaina, na leaise mafai ke kau masau atu kia koutou ofaipe ki ni tagata fakalaumalie, kae ofaipe ki ni tagata fakakanofi, ofaipe ki ni fanau liliki ia Kilisito.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Kalate 6:1

Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.

Filipe 1:10

talie ke kotou iloa a nea ala e malilie tukupau, o tupu ke kotou mea mo lee mele ki le aso o Kilisito,

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Uluaki tosi ki le kau Tesalonika 5:21

Kae kotou sivisivi a nea fuli ; kotou taofi le nea leia e malie ;

Epelo 5:14

Kae e tuku le magiti makeke ki tagata kua katoa, kia latou ala kua masani i le iloa kesekese o le malie mo le veli.

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.