Uluaki tosi ki le kau Kolinto 2:12 - Tosi Tapu

¹² Ti ko tatou, na leaise tou tali le laumalie o le malama nei, kae ko le Laumalie leia e au mei le Atua, o tupu ke tou iloa a nea ala na soli mai e le Atua kia tatou i lona kalasia.

Uluaki tosi ki le kau Kolinto 2:12 ပူးပေါင်းရင်းမြစ်များ

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Uluaki tosi ki le kau Kolinto 1:27

Kae kua filifili e le Atua a nea valelea o le malama nei ke fakalumai ai le kau poto ; ti kua filifili e le Atua a nea gagae o le malama nei ke fakalumai ai le kau makeke ;

Uluaki tosi ki le kau Kolinto 2:6

Kae ko se poto leia e motou fakasa ia latou ala e saosaoa, poto leia e leaise au mei le sekulo leinei, pe mei pule o le sekulo leinei, ala ka maumaui loa.

Uluaki tosi ki le kau Kolinto 3:22

Pe ko Paulo, pe ko Apolosio, pe ko Sefasi, pe ko le malama nei, pe ko le mauli, pe ko le mate, pe ko nea o le temi nei, pe ko nea o le temi ka au.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Sakopo 4:5

Pe kotou masalo e masau noa le Tosi ? E finenonofo le Atua ki le Laumalie leia kua fakanofo e ia ia tatou.

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 22:6

Ti na pati mai loa a ia kiate au : E totonu mo maoki a folafola anei ; ti kua kakau mai e le Aliki, le Atua o laumalie o le kau polofeta, lana aselo ke fakasa ki ana tagata fakasausau a nea ala e tonu ke soko vave.