Uluaki tosi ki le kau Kolinto 16:6 - Tosi Tapu

⁶ E lagi kau nofo loa mo koutou, i le temi momoko katoa, o tupu ke kotou kau fanoga loa mo au ki le ganea leia e kau ano loa ki ai.

Uluaki tosi ki le kau Kolinto 16:6 ပူးပေါင်းရင်းမြစ်များ

Gaoi 15:3

I le oki o lolatou tuku ake e le Ekelesia, na lotou soko atu loa lolatou fanoga i Fenisia mo Samalia, o fakamatala ki fetaina le tafoki o le kau pagani, ti na lotou fiafia lasi ai.

Gaoi 17:15

Ko latou ala na fakasa ia le ala kia Paulo na taki ia loa a ia o kaku ki Atena. Ti na lotou toe liliu loa, mo le fakatotonu leinei kia Silasi mo Timoteo ke la pale vave ake kiate ia.

Gaoi 20:38

o toe lasi ake loa lolatou mamae, o tupu ko le pati a Paulo, e leaise lotou toe tio loa ki ona mata. Ti na lotou ano loa, o tuku a ia ki le vaka.

Gaoi 21:5

Kae, i le oki o aso ana e fitu, na motou ano loa, ke soko atu lamatou folau, ti na lotou au fuli loa mo olatou avaga ti mo olatou fanau, o ave matou o tuku ki le tua kolo. Na motou tuutuli loa i le mata tai, o faikole.

Gaoi 27:12

Ti e tupu na leaise malie le taulaga ki le tau i ai i le temi momoko, na loto loa le toka api ke toso le taula, o asiasi ke kaku, mo kapau e feala, ki Fenisia, ko le taulaga o Kelete leia na agaaga ki le potu saute uesite ti mo le noleto uesite, o tupu ke nofo ai i le temi momoko.

Gaoi 28:11

I le oki o lamatou nofo i ai i masina e tolu, na motou sopo loa ki se vaka mei Alekasia leia na tau i le temi momoko i le motu lena, ti na tuu ai le fakamailoga leinei, Tiosekule (ata atua).

Loma 15:24

E kau amanaki e kau felavei loa mo koutou i laku fanoga ki Sepania, ti e kotou ave ai loa au, mo ka katoa loa loku fimalie i se ga temi mo koutou.

Uluaki tosi ki le kau Kolinto 16:11

Ke aua na nukinuki se tasi kiate ia. Ke kotou tokoi kiate ia ke folau mai kiate au i le tokamalie, talie e kau talitali kiate ia mo fetaina.

Lua tosi ki le kau Kolinto 1:16

na kau loto ke kau fakalaka atu ia koutou o ano ki Masetonia, ti ke kau toe liliu loa mei Masetonia kia koutou, ti ke kotou kau fanoga loa mo au ki Sutea.

Tito 3:12

Ka kau kakau atu loa kiate koe a Aletemasi pe ko Tisike, ke ke fakavilivili loa o au kiate au i Nikopolisi, talie ko lena le ganea leia kua kau fakatotonu ke kau nofo ai i le temi momoko.