Uluaki tosi ki le kau Kolinto 16:19 - Tosi Tapu

¹⁹ E fakaalofa atu kia koutou a Ekelesia o Asia. E fakaalofa lasi atu kia koutou i le Aliki a Akilasi mo Pelesila, ti mo le Ekelesia leia e nofo i lola fale.

Uluaki tosi ki le kau Kolinto 16:19 ပူးပေါင်းရင်းမြစ်များ

Gaoi 16:6

I lola taofi e le Laumalie Maokioki ke aua na la fakasa le folafola i Asia, na la ano loa ki Filisia mo le fenua ko Kalatia.

Gaoi 18:18

Na toe nofo loa Paulo i Kolinito o fualoa. Ti oki, na mavae loa a ia mei fetaina, o ano vaka ki Silia mo Pelesila mo Akilasi ; kae na tele mua lona ulu i Senikelea, talie na fai e ia se fakapapau.

Gaoi 18:2

Ti na maua loa e ia i ai se Sutea na igoa ko Akilasi, na tupu i Ponito, nao tau mai fua mei Italia mo lona avaga ko Pelesila, talie na fakatotonu e le sau ko Kolote ke mavae le kau Sutea katoa mei Loma. Ti na ano loa Paulo kia laua ;

Gaoi 18:26

Ti na kamata masau fakalauatea loa a ia i le sinakoka. Na fakalogo loa kiate ia a Akilasi mo Pelesila, ti na la too loa a ia mo laua, o toe fakamatala fakatotonu ake kiate ia le ala totonu o le Atua.

Gaoi 19:10

Na fetuu lua le nea lena, o tupu ai loa le logo ki le folafola a le Aliki o le kakai katoa leia na nofo i Asia, Sutea mo Keleka.

Gaoi 2:9

Ko tatou ko kau Palete, mo kau Mete, mo kau Elame ; mo la e nonofo i Mesopotamia, mo Sutea, mo Kapatose, mo Potuse, mo Asia,

Loma 16:15

Avake oku alofa kia Filoloke mo Sulia, mo Neleo mo lona taina, fenaaki kia Olepa mo le kau sagato fuli e nonofo mo latou.

Kolose 4:15

Fakaalofa atu ki fetaina ala e nonofo i Laotise, mo Nifase, ti mo le Ekelesia leia i lona fale.

Lua tosi kia Timoteo 4:19

Alofa atu kia Pelesila mo Akilasi, ti mo le famili o Onesifole.

Filemo 1:2

ki le tuagaane ko Afia, mo Alesipe ko loma kaukau nea i le tau, ti mo le Ekelesia leia i lou fale :

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,

Apokalipisi 1:11

leia na pati : Ko le nea leia e ke tio ki ai, tosi a ia i se tosi, o fakamomoli a ia ki Ekelesia e fitu, ki Efeso, mo Similene, mo Pelekame, mo Tiatile, mo Salete, mo Filatelefia, ti mo Laotise.