Uluaki tosi ki le kau Kolinto 16:16 - Tosi Tapu

¹⁶ Ke kotou fakaapaapa foki ki le tau tagata fenaaki, ti mo latou fuli ala e gaoi i le gaoi lena.

Uluaki tosi ki le kau Kolinto 16:16 ပူးပေါင်းရင်းမြစ်များ

Uluaki tosi o Koloniko 12:18

Ti na ifo loa le Laumalie o le Atua kia Amasai, ko se tasi o le pule solia, ti na pati loa a ia : E motou kau mo koe, Tavite, vosa o Isaia ! Tokamalie, tokamalie kiate koe, tokamalie kia latou ala e tokoi kiate koe, talie na tokoi kiate koe lou Atua ! Ti na tali loa latou e Tavite, o fakanofo latou ke kau i le kau pule o le solia.

Ekelesiasi 1:3

Kolea lona aoga ki se tagata o lona pakia i lalo o le laa ?

Loma 16:12

Avake oku alofa kia Tilifena mo Tilifosa, ala ko fafine gaoi ki le Aliki. Avake oku alofa kia Pelesita le alofaaga leia na lasi ai lana gaoi ki le Aliki.

Loma 16:3

Avake oku alofa kia Pelesila mo Akilasi, ko oku kaukau gaoi ia Sesu-Kilisito,

Loma 16:6

Avake oku alofa kia Malia, leia na lasi ai lana gaoi kia koutou.

Loma 16:9

Avake oku alofa kia Ulupano, lomatou kaukau nea gaoi ia Kilisito, ti mo Setakisi, loku alofaaga.

Uluaki tosi ki le kau Kolinto 12:28

Ti kua fakanofo e le Atua i le Ekelesia, ko le uluaki ko le kau apositolo, ko le lua ko le kau polofeta, ko le tolu ko le kau fai akonaki, ti sosolo ai mai latou ala e maua ia le nea alofa o milakulo, ti mo latou ala e maua ia a nea alofa ke fakamauli ai a masaki, ke tokoi, ke lagiaki, ke masau ki masau kesekese.

Uluaki tosi ki le kau Kolinto 3:9

Talie e ma kau gaoi mo le Atua. Ko koutou ko le faigasaga a le Atua, le fale o le Atua.

Efeso 5:21

Kotou fefakataulaloaki ia koutou i le fakaapaapa kia Kilisito.

Filipe 4:3

Ti ko koe foki, ko loku kaukau nea agatonu, io, e kau kole atu kiate koe ke ke tokoi kia laua, ala na tau fakatasi mo au ki le Evaselio, ti mo Kelemete mo la ake oku kaukau soa i le gaoi, latou ala kua tuu olatou igoa i le tosi o le mauli.

Uluaki tosi ki le kau Tesalonika 1:3

o motou fakamanatu tuumau le gaoi o lakoutou tui, mo le gaoi o lokoutou alofa, ti mo le kataki fualoa o lakoutou amanaki malie ki lotatou Aliki ko Sesu-Kilisito, i mua o le Atua ko lotatou tamana.

Uluaki tosi ki le kau Tesalonika 2:9

Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua.

Uluaki tosi ki le kau Tesalonika 5:12

E motou kole atu kia koutou, fetaina, kotou fakaapaapa kia latou ala e gaoi kia koutou, mo takitaki ia koutou i le Aliki, ti mo ako ia koutou.

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Epelo 13:24

Fakaalofa ake ki okoutou kau takitaki fuli ti mo le kau sagato fuli. E fakaalofa atu kia koutou latou i Italia.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Tolu tosi a Soane 1:8

Koia e tonu ai ke tou tali a tagata fenaaki, o tupu ke tou kau gaoi fakatasi mo latou ki le maoki.

Apokalipisi 2:3

e ke maua le kataki fualoa, ti na ke mamae o tupu ko loku suafa, ti na leaise ke loto gaegae.