Uluaki tosi ki le kau Kolinto 16:13 - Tosi Tapu

¹³ Kotou alaala, kotou tuu makeke i le tui, kotou faipe ni tagata, kotou makeke.

Uluaki tosi ki le kau Kolinto 16:13 ပူးပေါင်းရင်းမြစ်များ

Lua tosi a Samuele 10:12

Ke ke loto toa, ti ke ta fia tagata, o tupu ko lotatou kakai mo kolo o lotatou Atua, ti ke fai loa e le Eteleno le nea leia e malie kiate ia !

Uluaki tosi o Sau 2:2

Ka kau ano loa i le ala o le malama nei katoa. Koia ke ke fakamakeke ai a koe, ti ke ke gali ko se tagata !

Uluaki tosi o Koloniko 19:13

Ke ke loto toa, ti ke tou tau fakamakeke o tupu ko lotatou kakai ti mo kolo o lotatou Atua, ti ke fai e le Eteleno le nea leia e malie loa kiate ia !

Uluaki tosi o Koloniko 28:10

Ke ke iloa papau kua filifili a koe e le Eteleno i le aso nei, o tupu ke ke fakatuu kiate ia se fale ko lona sagatualio. Ke ke fakamakeke ti ke ke gaoi.

Pesalemo 27:14

Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Pesalemo 31:24

Ke kotou alofa ki le Eteleno, koutou ala e tausi fakaatua ! E taupau e le Eteleno le kau agatonu, Kae tautea e ia latou ala e fia nealasi.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Taniela 11:32

E fakasesei loa e le sau lena, ki ana kaka, latou ala e tiaki ia le sai maokioki. Kae ko latou ala o le kakai e iloa ia loa lolatou Atua, e tuu makeke loa,

Akeseo 2:4

I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Sakalia 8:13

Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Mateo 25:13

Koia kotou alaala ai, talie e leaise kotou iloa le aso mo le ola.

Mateo 26:41

Kotou alaala ti kotou faikole, ke aua na kotou siga ki le fakasala ; e makeke le laumalie kae gaegae le tino.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Lua tosi ki le kau Kolinto 1:24

kae leaise tupu ke ma pulei ai lakoutou tui, kae tupu ke ma tokoi ki lokotou fiafia, talie kua kotou tuu makeke i le tui.

Kalate 5:1

Koia, kua fakalauatea tatou e Kilisito ke tou lauatea maoki, kotou tuu mau i ai, ti aua na kotou toe tuku ke taomi koutou e le amoga o le popula.

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Filipe 1:27

Koleia fua, kotou saele i se saele leia e gali mo le Evaselio o Kilisito, o tupu, pe kau natu o tio kia koutou, pe kau puli, ke kau logo e kotou tuu makeke i se loto e tasi, o tau i se laumalie e tasi ki le tui o le Evaselio ;

Filipe 4:1

Koia, ei oku fetaina alofaina, koutou ala ko loku fiafia mo loku palaa, ke kotou tuu mau i le Aliki, ei oku alofaaga !

Filipe 4:13

E kau mafai a nea fuli i leia e fakamakeke ia au.

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 4:12

Ko Epafalasi, leia ko se tasi o koutou, e fakaalofa atu kia koutou ; ko le tagata fakasausau a ia a Sesu-Kilisito, e leaise toe gato lana tau kia koutou i ana faikole, o tupu ke kotou tuu makeke ofaipe ni tagata kua katoa, o nofo fakalogo ki le fai o le finegalo katoa o le Atua.

Kolose 4:2

Kotou kataki fualoa i le faikole, kotou alaala i ni faikole mo ni fakafetai ki le Atua.

Uluaki tosi ki le kau Tesalonika 3:8

Koia kua motou mauli ai i le temi nei, talie kua kotou tuu makeke i le Aliki.

Uluaki tosi ki le kau Tesalonika 5:6

Koia aua na tou momoe ofaipe latou ake ala, kae tou alaala ti mo tou fakapotopoto.

Lua tosi ki le kau Tesalonika 2:15

Koia, fetaina, kotou tuu makeke, ti kotou taofi a akonaki ala kua kotou tali, pe i lamatou folafola, pe i lamatou tosi.

Uluaki tosi kia Timoteo 6:12

Tau le tau malie o le tui, too le mauli lee gato, leia kua kalagai a koe ki ai, ti kua ke fakasa le fakamaoki malie ki ai i mua o ni tagata fakamaoki toka api.

Lua tosi kia Timoteo 2:1

Ko koe loa, ei laku fanau, fakamakeke a koe i le kalasia leia ia Sesu-Kilisito.

Lua tosi kia Timoteo 4:5

Kae ko koe, fakapotopoto i nea fuli, kataki a mamae, fai le gaoi a se evaselisita, fai ke katoa malie lau gaoi.

Lua tosi kia Timoteo 4:7

Na kau tau le tau malie, na kau makape o kaku ki le fakaoki, na kau taupau le tui.

Sosue 1:18

E tautea loa ki le mate a tagata fuli e fakatutuu loa ki lau lagiaki, ti e leaise fakalogo loa ki nea fuli e ke fakatotonu loa ki ai. Ko leia fua ke ke fakamakeke, ti mo ke loto toa !

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Uluaki tosi a Petelo 4:7

Kua ofi le fakaoki o nea fuli. Koia ke kotou popoto mo alaala, o tokaga ki le faikole.

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.

Apokalipisi 16:15

Ko leinei, e kau au ofaipe se tagata kaia. Manuia leia e alaala, ti mo taupau ia ona kofu, o tupu ke aua na saele telefua ti ke aua na tio ki lona luma !

Uluaki tosi a Samuele 4:9

Ke kotou fakamakeke ti ke kotou faipe ni tagata, kau Filisitini, o tupu ke aua na kotou popula ki le kau Epeleo ofaipe lolatou popula kia koutou ; ke kotou faipe ni tagata ti ke kotou tau !