Uluaki tosi ki le kau Kolinto 16:1 - Tosi Tapu

¹ O uiga mo le tanaki nea alofa ki le kau sagato, kotou fai, e koutou foki, ofaipe le nea leia kua kau fakatotonu ki Ekelesia o Kalatia.

Uluaki tosi ki le kau Kolinto 16:1 ပူးပေါင်းရင်းမြစ်များ

Gaoi 11:28

Ko se tasi o latou na igoa ko Akapusi, na tuu loa ki aluga o fakasa i le Laumalie, e to loa se oge lasi i le malama nei katoa. Ti na to loa le oge lena i le temi o Kolote, sau o le kau Loma.

Gaoi 11:30

Ti na lotou fakakaku loa le nea lena ki le kau fakamatuatua i le lima o Palenapa mo Saulo.

Gaoi 16:6

I lola taofi e le Laumalie Maokioki ke aua na la fakasa le folafola i Asia, na la ano loa ki Filisia mo le fenua ko Kalatia.

Gaoi 18:23

I le oki o lana nofo i Atiokia i se ga temi, na toe ano loa Paulo ki Kalatia mo Filisia, o fakamakeke le kau tisipulo katoa.

Gaoi 24:17

I le oki o laku puli i ni fetuu mauke ai, na kau au loa o fai ni nea alofa ki loku puleaga, ti mo fai ni moliga.

Gaoi 9:13

Aliki, na kau logo mei se toka api ki le veli lasi kua fai e le tagata lena ki lau kau sagato i Selusalemi ;

Gaoi 9:41

Ti na falo loa e Petelo lona lima kiate ia, o fakatuu ake a ia ki aluga. Na kalagai loa e ia le kau sagato mo le kau fafine lokonui, o tuku kia latou a Tapita kua mauli.

Loma 12:13

Ke kotou tokaga ki nea ala e aoga ki le kau sagato mativa. Ke kotou fakatalitali kaiga.

Uluaki tosi ki le kau Kolinto 11:34

Kapau e fia kai se tasi, ke kai a ia i lona kaiga ; talie ke aua na kotou fakatasi ki le malaia. Koi kau fakatonutonu loa a la ake a nea mo ka kau kaku atu loa.

Uluaki tosi ki le kau Kolinto 16:15

Ti ko leinei se tasi a kole leia e kau toe fai kia koutou, fetaina : E kotou iloa ko le famili o Setefanasi ko uluaki fua a ia o Akaia, ti na tokaga ai a ia ki le tausi o le kau sagato.

Uluaki tosi ki le kau Kolinto 4:17

I le nea lena kua kau kakau atu ai kia koutou Timoteo, leia ko laku fanau alofaina mo agatonu i le Aliki ; e fakamanatu atu loa e ia kia koutou oku ala ia Kilisito, ala na kau ako ki Ekelesia fuli i ganea fuli.

Kalate 1:2

ti mo fetaina fuli ala e nonofo mo au, ki Ekelesia o Kalatia :

Kalate 2:10

Ti na lotou kole mai fua ke ma manatui le kau mativa ; ti na kau tokaga ai o fai le nea a ia.

Filemo 1:5

talie kua kau logo ki le tui leia e ke maua ki le Aliki ko Sesu, ti mo lou alofa ki le kau sagato fuli.

Filemo 1:7

Koia na kau logoi ai se fiafia lasi mo se fakapelepele o tupu ko lou alofa ; talie kua ke fakafimalie ia, ei taina, le loto o le kau sagato.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Uluaki tosi a Soane 3:17

Kapau e maua e se tasi a koloa o le malama nei, ti na tio a ia ki le mativa o lona taina, kae na tapono e ia ona tootooga kiate ia, e feaki ke nofo iate ia le alofa ki le Atua ?