Uluaki tosi ki le kau Kolinto 15:56 - Tosi Tapu

⁵⁶ Ko le pule o le mate ko le agasala ; ti ko le makeke o le agasala ko le lao.

Uluaki tosi ki le kau Kolinto 15:56 ပူးပေါင်းရင်းမြစ်များ

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Soane 8:21

Na toe pati foki Sesu kia latou : E kau ano, ti e kotou afa loa au, ti e kotou mamate loa i lakoutou agasala ; e leaise mafai ke kotou au ki le ganea leia e kau ano ki ai.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Loma 4:15

Talie e fakatupu e le lao le sausau o le Atua ; kae i le ganea e leaise maua ai se lao, e leaise maua ai foki se sala ki le lao.

Loma 5:15

Kae e leaise tatau le sala mo le soli noa ; talie, kapau i le sala a se toka tasi na mamate ai se toka api, e toe feaki ake loa le lasi o le liligi ki se toka api o le kalasia o le Atua ti mo le soli noa o le kalasia, i se fa tagata e toka tasi, ko Sesu-Kilisito.

Loma 5:17

Kapau na pule le mate i le sala a se fa toka tasi, e feaki ake loa le pule o le mauli ia latou e tali ia a koloa mauke ai o le kalasia ti mo le nea alofa o le faitotonu ia Sesu-Kilisito toka tasi.

Loma 5:20

Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia,

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Epelo 9:27

Kua fakatuutuu ke mate tua tasi a tagata fuli, ti o soko mai loa le fakamaau.