Uluaki tosi ki le kau Kolinto 15:54 - Tosi Tapu

⁵⁴ Ka kofu loa e le tino pala leinei le lee pala, ti ka kofu loa e le tino mate leinei le mauli lee gato, ti e soko loa le folafola leia e tuu i le Tosi : Kua folo le mate e le malo.

Uluaki tosi ki le kau Kolinto 15:54 ပူးပေါင်းရင်းမြစ်များ

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Luka 20:36

Talie e leaise mafai loa ke lotou toe mate, talie e lotou tatau loa mo le kau aselo, ti e lotou liliu loa ko vosa o le Atua, talie ko vosa latou o le toe tuuake.

Loma 1:23

ti kua lotou fetogi le kololia o le Atua ki ni paaki o ni tagata agasala, mo ni manu lele, mo ni manu vae fa, ti mo ni manu totolo.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Loma 6:12

Ke aua na toe pule le agasala i lokoutou tino mate, ti ke aua na kotou fakalogo ki ona olioli.

Loma 8:11

Ti kapau e nofo ia koutou le Laumalie o leia na toe fakatuuake ia a Sesu mei le kau mate, ko leia na fakatuuake ia a Sesu-Kilisito mei le kau mate, e toe soli ia loa le mauli ki okoutou tino mamate i lona Laumalie leia e nofo ia koutou.

Lua tosi ki le kau Kolinto 4:11

Talie ko maua ala e mauuli, e tuku tuumau maua ki le mate o tupu ko Sesu, o tupu ke fakasa foki le mauli o Sesu i oma tino mate gaofie.

Lua tosi ki le kau Kolinto 5:4

Talie i le temi katoa leia e ma nonofo ai i le falela leinei, e ma lauga i le mafaia, talie e ma loto, ke aua na tatala oma kofu fakakele, kae ke ma kofu oma tino fakaselo, o tupu e folo le nea leia e mate e le mauli.

Lua tosi ki le kau Tesalonika 1:10

mo ka au loa a ia i le aso a ia ke fakakololiai a ia i lana kau sagato, ti ke tio kiate ia latou fuli ala na tui kiate ia ; talie kua kotou tui ki lamatou fakamaoki ia koutou.

Apokalipisi 20:14

Ti na ti loa le mate mo le nofoaga o le kau mate ki le tai afi. Ko le lua mate ko le tai afi.

Apokalipisi 21:4

E solosoloi loa e ia a loimata fuli mei olatou mata, ti e leaise toe maua loa le mate : e leaise toe maua loa se tagi, mo se lauga, mo se mamae, talie kua puli loa a uluaki nea.