Uluaki tosi ki le kau Kolinto 15:45 - Tosi Tapu

⁴⁵ Koia e tuu ai i le tosi : Ko le uluaki tagata, ko Atama, na liliu a ia ko se laumalie mauli. Ko le Atama fakamuli, ko Sesu, kua liliu a ia ko se Laumalie fakamauli.

Uluaki tosi ki le kau Kolinto 15:45 ပူးပေါင်းရင်းမြစ်များ

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Soane 1:4

Na iate ia le mauli, ti ko le mauli ko le malama a ia o tagata.

Soane 10:10

E au fua le tagata kaia o kaia, mo tamate, mo maumaui ; ko au, na kau au o tupu ke maua e le kau ovi le mauli, ti ke lotou maua a ia o lasi ai.

Soane 10:28

E kau soli kia latou le mauli lee gato ; ti e leaise lotou mate loa i se aso, ti e leaise too loa latou e se tasi mei loku lima.

Soane 14:19

Koi toe fua se ga temi ikiiki, ti e leaise toe tio loa le malama nei kiate au ; kae ko kotou, e kotou tio loa kiate au, talie e kau mauli, ti e kotou mauli loa mo koutou foki.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Soane 6:33

talie ko le pane o le Atua ko leia e ifo mei lagi o soli le mauli ki le malama nei.

Soane 6:54

Ko leia e kai ki loku tino ti e inu ki loku toto e maua e ia le mauli lee gato ; ti e kau toe fakatuuake loa a ia i le aso fakamuli.

Soane 6:57

Ofaipe le Tamana leia e mauli na kakau ia mai au, ti e kau mauli i le Tamana, ko leia e kai kiate au e mauli loa iate au.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Soane 6:68

Na tali loa Simone Petelo kiate ia : Aliki, ke motou ano loa kiate ai ? E nofo iate koe a folafola o le mauli lee gato.

Gaoi 3:15

Na kotou tamate le Tupuaga o le mauli, leia kua fakatuuake e le Atua mei le kau mate, ti ko le kau fakamaoki matou ki ai.

Loma 5:17

Kapau na pule le mate i le sala a se fa toka tasi, e feaki ake loa le pule o le mauli ia latou e tali ia a koloa mauke ai o le kalasia ti mo le nea alofa o le faitotonu ia Sesu-Kilisito toka tasi.

Loma 5:21

o tupu, ke faipe le agasala leia na pule ki le mate, ke toe pule foki le kalasia i le faitotonu leia e taki ia ki le mauli ia Sesu-Kilisito ko lotatou Aliki.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Uluaki tosi ki le kau Kolinto 15:46

Kae e leaise muamua le nea leia e fakalaumalie, ko le nea leia e fakanatula ; e mulimuli le nea leia e fakalaumalie.

Filipe 3:21

leia e fetogi ia loa lotatou tino fakaaloalofa, ke tatau mo lona tino fakakololia, i le pule leia e maua e ia ke aumai ai a nea fuli ke fakalogo kiate ia.

Kolose 3:4

Ka sa mai loa Kilisito, ko lokoutou mauli, e kotou sa loa mo ia i le kololia.

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Apokalipisi 16:3

Ti na liligi loa e le lua aselo lana ipu ki le tai, ti na liliu loa le tai o toto, ofaipe le toto o se mate ; ti na mamate loa a nea mauuli fuli ala na maua i le tai.

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 22:1

Ti na fakasa mai loa e ia kiate au le vaitafe o le vai o le mauli, na gigila ofaipe le kilisitale, leia na mapuna mei le ekeekeaga fakasau o le Atua ti mo le Akeno,

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.