Uluaki tosi ki le kau Kolinto 15:44 - Tosi Tapu

⁴⁴ E to a ia e fakanatula, kae e toe tuuake loa a ia e fakalaumalie. Kapau e i ai se tino fakanatula, e i ai foki se tino fakalaumalie.

Uluaki tosi ki le kau Kolinto 15:44 ပူးပေါင်းရင်းမြစ်များ

Luka 24:31

Ti na mavaa loa ola mata, ti na la iloa loa a ia ; kae na puli loa a ia mei ola mua.

Soane 20:19

I le afiafi o le aso lena, leia ko le uluaki aso o le vasaa, kua tapono a matapa o le ganea leia na fakatasi ai le kau tisipulo, o tupu ko lolatou i ki le kau Sutea, na au loa Sesu, o tuu i loto malie o latou, o pati kia latou : Ke nofo ia koutou le tokamalie !

Soane 20:26

Sili ni aso e valu, na toe fakatasi le kau tisipulo a Sesu i le fale, ti na nofo Tomasi mo latou. Na au loa Sesu, kae kua tapono a matapa, o tuu i loto malie o latou, o pati : Ke nofo ia koutou le tokamalie !

Uluaki tosi ki le kau Kolinto 15:50

Ko le nea leia e kau fakasa, fetaina, e leaise feala ke maua e le kanofi mo le toto le puleaga o le Atua, ti e leaise feala ke maua e nea pala a nea lee pala.

Uluaki tosi ki le kau Kolinto 2:14

Kae e leaise tali e le tagata fakanatula a nea o le Laumalie o le Atua, talie ko se valea latou kiate ia, ti e leaise mafai ke iloa e ia latou, talie koi iloa fakalaumalie fai latou.