Uluaki tosi ki le kau Kolinto 15:42 - Tosi Tapu

⁴² E toe fenaaki foki mo le toe tuuake o le kau mate. E muluki le tino e pala, kae e toe tuuake a ia e lee pala ;

Uluaki tosi ki le kau Kolinto 15:42 ပူးပေါင်းရင်းမြစ်များ

Senesi 3:19

E ke kai loa lau pane i le kavakavaia o lou lae, o kaku ki le aso leia e ke toe liliu ai loa ki le kele, leia na ke too mei ai ; talie ko le efu a koe, ti e ke toe liliu loa ki le efu.

Sopo 17:14

E kau kalaga ki le tanuma : Ko loku tamana a koe ! Ti e kau kalaga ki ilo : Ko loku tinana mo loku tuagaane koutou !

Pesalemo 16:10

Talie e leaise ke tuku loa loku laumalie ki le nofoaga o le kau mate, Ti e leaise ke fakataga loa ke tio lou alofaaga ki le pala.

Pesalemo 49:14

Ko lena lolatou ala, lolatou valea, Ti ko latou ala e mulimuli ia latou e fiafia i alatou masau. - Manava.

Pesalemo 49:9

Talie e mamafa ai le totogi o olatou laumalie, Ti e leaise mafai ke soko le nea lena i se aso.

Esaia 38:17

Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Mateo 13:43

Kae e gigila malipolipo loa le kau agatonu ofaipe le laa i le Puleaga o lolatou Tamana. Ko leia e maua ia ni taliga mo fakalogo, ke logo a ia.

Gaoi 2:27

Talie e leaise ke tuku loa loku laumalie i le nofoaga o le kau mate, Ti e leaise ke fakataga loa ke pala le tino o lou Sagato.

Gaoi 2:31

ko le toe tuuake lena o le Kilisito na fakasa kiate ia, ti na tio a ia ki ai, ti kua fakasa fakatomua e ia, i lana pati : e leaise tuku loa e ia a ia i le nofoaga o le kau mate ti e leaise tio loa lona tino ki le pala.

Loma 1:23

ti kua lotou fetogi le kololia o le Atua ki ni paaki o ni tagata agasala, mo ni manu lele, mo ni manu vae fa, ti mo ni manu totolo.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Loma 8:21

mo se amanaki e fakalauatea loa a ia mei le popula o le pala, o tupu ke kau foki mo ia ki le lauatea o fanau a le Atua i le kololia.

Uluaki tosi ki le kau Kolinto 15:41

E kese fai le gigila o le laa, ti e kese le gigila o le masina, ti e kese le gigila o fetuu ; ti e kese le gigila o le tasi fetuu mei le tasi fetuu.

Kalate 6:8

Ko leia e muluki ia i lona kanofi e utu loa e ia mei le kanofi le pala ; kae ko leia e muluki ia i le Laumalie e utu loa e ia mei le Laumalie le mauli lee gato.

Uluaki tosi a Petelo 1:4

ti mo se tofiga leia e leaise mafai ke popo, pe kelekele, pe fefe, ti kua taofi atu kia koutou i le atu lagi,