Uluaki tosi ki le kau Kolinto 15:4 - Tosi Tapu

⁴ ti na tanu a ia, ti na toe tuuake a ia i le aso tolu, o mulimuli ki le Tosi ;

Uluaki tosi ki le kau Kolinto 15:4 ပူးပေါင်းရင်းမြစ်များ

Pesalemo 16:8

E kau maua tuumau le Eteleno i oku mua. Ka nofo a ia i loku fetuu atamai, e leaise kau siga.

Pesalemo 2:7

E kau fakasa loa le fono ; Na pati mai le Eteleno kiate au : Ko loku alo a koe ! Na kau fakatupu a koe i le aso nei.

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Mateo 12:40

Talie na nofo Sonasi i aso e tolu mo po e tolu i le manava o se ika lasi, ti e nofo loa le Vosa o le tagata i aso e tolu mo po e tolu i le manava o le kele.

Mateo 16:21

Talu loa mei ai na kamata fakasa loa e Sesu ki ana tisipulo e tonu ke ano a ia ki Selusalemi, ke mamae lasi a ia mei le kau fakamatuatua, mo le kau pule faisakilifisio ti mo le kau sekelipa, ke mate a ia, ti ke toe tuuake a ia i le tolu o aso.

Mateo 20:19

ti e lotou tuku loa a ia ki le kau pagani, ke lotou gologolo kiate ia, mo sasa a ia ki laakau, ti mo tutuki a ia i le koluse ; ti e toe tuuake loa a ia i le tolu o aso.

Maleko 9:31

Talie na akonaki a ia ki ana tisipulo, o pati kia latou : E tuku loa le Vosa o le tagata ki lima o tagata ; ti e lotou tamate loa a ia. Ti ka oki loa ni aso e tolu ki lona mate, e toe tuuake loa a ia.

Luka 24:26

Pe na leaise tonu ai ke mamae le Kilisito i nea ana, ti ulu loa ki lona kololia ?

Luka 24:46

Ti na pati loa a ia kia latou : E tuu foki i le tosi : E mamae loa le Kilisito, ti e toe tuuake loa a ia mei le kau mate i le tolu o aso,

Luka 9:22

Ti na toe pati loa Sesu : e tonu ke mamae lasi ai le Vosa o le tagata, ti ke tiaki a ia e le kau fakamatuatua, mo le kau pule faisakilifisio, mo le kau sekelipa, ti ke tamate a ia, ti ke toe tuuake loa a ia i le tolu o aso.

Soane 19:38

Sili aia, ko Sosefo mei Alimatea, ko se tisipulo a Sesu, kae fakapulipuli i lona i ki le kau Sutea, na kole loa kia Pilato le fakataga ke too e ia le tino o Sesu. Ti na fakataga loa e Pilato kiate ia. Ti na au loa a ia, o too le tino o Sesu.

Gaoi 1:3

I le oki o lona mate, na sa mauli loa a ia kia latou, o tuku kia latou ni fakamaoki lasi ai e mauli a ia : I le lolotoga o aso e kau fa, na tau sa loa a ia kia latou, o masau ki nea o uiga mo le Puleaga o le Atua.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Loma 6:4

Koia i le papitema kua tou tanu fakatasi mo ia i lona mate, o tupu, i le toe tuuake o Kilisito mei le kau mate i le kololia o le Tamana, ke tou saele, mo tatou foki, i se mauli foou.

Kolose 2:12

Ti kua tanu fakatasi koutou mo ia i le papitema, ti kua kotou toe tuuake foki iate ia ti mo ia, i le tui ki le mafimafi o le Atua, leia na toe fakatuuake ia a ia mei le kau mate.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.