Uluaki tosi ki le kau Kolinto 15:34 - Tosi Tapu

³⁴ Kotou toe liliu mai kia koutou totonu, ko lena le nea leia e totonu, ti aua na kotou agasala ; talie e leaise iloa e ni iki o koutou le Atua, e kau fakasa a ia ke kotou luma ai.

Uluaki tosi ki le kau Kolinto 15:34 ပူးပေါင်းရင်းမြစ်များ

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 4:4

Ke kotou iloa kua filifili e le Eteleno kiate ia se tagata agamalie ; Ti e logo le Eteleno, mo ka kau tagi kiate ia.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Soele 1:5

Kotou alaala, kau konana, ti kotou fetagisi ! Koutou fuli, kau inu vino, kotou tagi laulau, Talie kua too le vino mei okoutou gutu !

Sonasi 1:6

Na fakafeofi ake loa le kapiteni kiate ia, o pati : Kolea e ke moe ai ? Tuu ki aluga, kalaga ki lou atua ! Na saga e manatu mai loa a ia kia tatou, ti e leaise tou mamate loa.

Mateo 22:29

Na tali loa Sesu kia latou : E kotou nofo i le faisala, talie e leaise kotou matala fua ki le tosi ti mo le mafimafi o le Atua.

Soane 5:14

Talu mei ai, na toe maua loa a ia e Sesu i le fale tapu, ti na pati loa a ia kiate ia : Ko leinei kua ke mauli ; aua na ke toe agasala, talie na soko loa kiate koe se nea leia e toe veli oki ake.

Soane 8:11

Na tali loa a ia : Leai, Aliki. Ti na pati loa Sesu kiate ia : E leaise kau fakatuaa foki a koe, ano ti aua na ke toe agasala loa.

Gaoi 26:8

Kolea ! Pe leaise feala ke tui e toe fakatuuake e le Atua le kau mate ?

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 13:11

E mauiga le nea a ia talie kua kotou iloa foki le temi kua tou nofo ai : ko le ola leinei ke kotou alaala ai mei le moe, talie i le temi nei kua toe asilisili ofi mai kia tatou le saofaki i le temi leia na tou tui ai.

Uluaki tosi ki le kau Kolinto 4:14

E leaise kau tosi a nea ana o tupu ke fakalumai ai koutou ; kae e kau valoki koutou ofaipe ni aku fanau alofaina.

Uluaki tosi ki le kau Kolinto 6:5

E kau fakasa le nea lena ke kotou luma ai. Koia e leaise maua ai se poto e tasi ia koutou ke fakamaaui ia ona fetaina.

Uluaki tosi ki le kau Kolinto 8:7

Kae e leaise maua e tagata fuli le iloa lena. Talie koi tio ni iki ki taulaatua, ti e lotou kai a inati ana ofaipe ni inati kua momoli maoki ki taulaatua, ti ko olatou loto, ala koi gagae, e kelekele i ai.

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Uluaki tosi ki le kau Tesalonika 4:5

kae tuku lakoutou fai a oli fakavale o le tino, ofaipe le fai a le kau pagani ala e leaise iloa ia le Atua ;