Uluaki tosi ki le kau Kolinto 15:32 - Tosi Tapu

³² Kapau ko ni tio fakatagata ala na kau tau ai ki manu fekai i Efeso, kolea lona aoga mai kiate au ? Kapau e leaise toe tuuake le kau mate, Tou kai ti tou inu, talie e tou mamate loa apogipogi.

Uluaki tosi ki le kau Kolinto 15:32 ပူးပေါင်းရင်းမြစ်များ

Sopo 35:3

Talie e ke pati : Kolea lona aoga kiate au, Kolea laku nea e maua i laku agatonu ?

Pesalemo 73:13

E maoki na leai sona aoga ke kau fakamea loku loto, Ti ke kau fufulu oku lima i le maokioki :

Ekelesiasi 2:24

Ko le nea e tasi e fiafia ai le tagata : ko le kai, mo le inu, ti mo le fakafiafia o lona laumalie ki le fua o lana gaoi ; kae na kau tio foki ko le Atua leia e soli ia le nea lena.

Esaia 22:13

Kae ko leinei kua kotou katakata ti kua kotou fiafia ! Kua tamate ni pipi tagata mo ni ovi ; Kua kai ni inati ti kua inu le vino : Tou kakai ti tou iinu, talie e tou mamate loa apogipogi !

Esaia 56:12

Kotou au, e kau ano nei o afa mai se vino, Ti e tou inu loa ni kava makeke ! I le aso nei o tatau mo apogipogi, Talie e lasi a nea inu !

Luka 12:19

ti e kau pati loa ki loku laumalie : Ei loku laumalie, kua lasi ai ou koloa ala kua tanaki ki ni fetuu mauke ai ; malolo la, mo kai, mo inu, ti mo fiafia.

Luka 9:25

Ti kolea le aoga ki se tagata lana maua le malama nei katoa mo kapau e puli noa a ia pe maumau a ia totonu ?

Gaoi 18:19

Na lotou kaku loa ki Efeso, ti na tuku loa e Paulo ona kaukau nea i ai. Na ulu loa a ia ki le sinakoka, o masau mo le kau Sutea,

Gaoi 18:21

Kae na leaise loto loa a ia ki ai, ti na mavae loa a ia meia latou, o pati : E tonu ai ke kau fai le aso o le Pasikate i Selusalemi. E kau toe liliu mai loa kia koutou, mo kapau ko le finegalo a ia o le Atua. Ti na mavae loa a ia i Efeso.

Gaoi 19:1

I le koi nofo a Apolosio i Kolinito, na kaku loa Paulo ki Efeso, i le oki o lana fakalaka i fenua o Asia. I lana felavei mo ni iki o le kau tisipulo, na pati loa a ia kia latou :

Loma 3:5

Kae kapau e sa i latatou lee faitotonu le faitotonu a le Atua, kolea loa latatou pati ? Pe leaise faitotonu le Atua mo ka liligi e ia lona sausau ? (E kau masau ofaipe masau a tagata).

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Uluaki tosi ki le kau Kolinto 16:8

Kae e kau nofo loa i Efeso o kaku ki le Penikosite ;

Kalate 3:15

Fetaina, (e kau masau ofaipe tagata), ka fai e se tagata se fakapapau o mulimuli ki lekula totonu, logo ai e fai a ia e se tagata, kae leaise toe soloi a ia e se tasi, ti e leaise toe teki e se tasi se nea ki ai.

Lua tosi a Petelo 2:12

Kae ko latou ana, ofaipe ni manu fekai ala e mulimuli fai ki oli o lolatou natula ti na fakatupu ke maumaui, e lauveli ki nea ala e leaise lotou iloa, ti e lotou pulinoa loa o tupu ko alatou aga fakalialia totonu,

Suta 1:10

Kae ko latou ana, e lotou masau veli ki le nea leia e leaise lotou matala ki ai ; ti ko le nea leia e lotou iloa fakakanofi, ofaipe ni manu kaikivao, e fakakelekele ia latou.