Uluaki tosi ki le kau Kolinto 15:27 - Tosi Tapu

²⁷ Talie, na tuku e le Atua a nea fuli ki lalo o vae o Kilisito. Kae i lana pati kua fakataulaloi a nea fuli kia Kilisito, e matala ai ko leia na soli ia kiate ia a nea fuli, e leaise kau i ai.

Uluaki tosi ki le kau Kolinto 15:27 ပူးပေါင်းရင်းမြစ်များ

Pesalemo 8:6

Na ke fakatupu a ia ke taulalo fakaikiiki fua i le Atua, Ti na ke fakapala a ia ki le kololia mo le mauiga,

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Soane 13:3

ti kua iloa e Sesu kua tuku e le Tamana a nea fuli ki ona lima, ti na au a ia mei le Atua, ti ka toe liliu a ia ki le Atua,

Soane 3:35

E alofa le Tamana ki le Alo, ti kua tuku e ia a nea fuli ki ona lima.

Efeso 1:20

i lana fakatuuake a Kilisito mei le kau mate, o fakanofo a ia i lona lima atamai i potu fakalagi,

Efeso 1:22

Ti kua tuku e ia a nea fuli ki ona vae, ti kua soli e ia a ia ko le Ulu o le Ekelesia,

Epelo 1:13

Ti ko ai loa i le kau aselo kua pati ki ai le Atua : Ke ke ekeeke i loku fetuu atamai Okaku ke kau fakaliliu ou fili ko lou tekiaga vae ?

Epelo 10:12

Kae ko Kilisito, i le oki o lana momoli se sakilifisio e tasi ki agasala, na nofo a ia o lee gato i le lima atamai o le Atua ;

Epelo 2:8

Na ke tuku nea fuli ki ona tagavae. Talie, i lana tuku ke fakalogo a nea fuli kiate ia, na leaise tuku e le Atua se nea e tasi ke aua na fakalogo kiate ia. Kae i le temi nei e leikiaise tou tio kua fakalogo nea fuli kiate ia.

Uluaki tosi a Petelo 3:22

leia kua pale ki Selo ti e nofo nei i le fetuu atamai o le Atua, ti kua fakataulalo kiate ia le kau aselo, mo le kau pule, ti mo le kau makeke.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.