Uluaki tosi ki le kau Kolinto 15:2 - Tosi Tapu

² leia foki kua kotou saofaki ai, mo kapau e kotou taofi a ia ofaipe laku akonaki atu a ia kia koutou ; ka leai, na kotou tui noa.

Uluaki tosi ki le kau Kolinto 15:2 ပူးပေါင်းရင်းမြစ်များ

Taagapati 23:23

Totogi le maoki, ti aua na ke fakatau a ia, Mo le poto, mo le akonaki, ti mo le atamai.

Taagapati 3:1

Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Taagapati 4:13

Taofi ke mau le akonaki, aua na ke tuku a ia ; Kukumi mau a ia, talie ko lou mauli a ia.

Luka 8:13

Ko latou ala na maluku i le ganea fatufatua, ko latou ala, i lalatou logo ki le folafola, na tali ia a ia i le fiafia ; kae e leaise lotou maua ia se aka, ti e lotou tui fua i se ga temi, ti e lotou siga i le lakaga o le fakasala.

Gaoi 2:47

o fakamalo ki le Atua, ti mo alofainai e le kakai katoa. Ti na fakaulu e le Aliki i le aso taki tasi ki le Ekelesia latou fuli kua saofaki.

Gaoi 8:13

Ti na tui foki mo Simone totonu kia Filipo ; ti i le oki o lona papitema, na leaise toe mavae loa a ia meia Filipo, ti na tio fakaofolele loa a ia ki fakamailoga lalasi mo milakulo ala na fai e ia.

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Loma 11:22

Koia tio ki le agamalie mo le itaita o le Atua : itaita kia latou kua siga, ti agamalie kiate koe, mo kapau e ke nofo tuumau i le agamalie lena ; ka leai, ti e toe tuuti loa mo koe foki.

Uluaki tosi ki le kau Kolinto 1:18

Talie ko le akonaki o le koluse ko se valea a ia kia latou ala e malaia, kae kia tatou ala kua saofaki, ko se makeke a ia o le Atua.

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Uluaki tosi ki le kau Kolinto 11:2

E kau fakavikiviki kia koutou, i lakotou manatui au i nea fuli, ti mo lakotou tausi aku akonaki ofaipe laku kua tuku atu latou kia koutou.

Uluaki tosi ki le kau Kolinto 15:14

ti kapau na leaise toe tuuake Kilisito, e ano noa loa lamatou akonaki, ti e ano noa foki mo lakoutou tui.

Lua tosi ki le kau Kolinto 2:15

Talie ko le kaloni tatou o Kilisito ki le Atua, ia latou ala kua fakamauli, ti mo latou ala e mamate :

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Kalate 3:4

Pe na kotou kataki noa a mamae fuli ? Mo kapau e feala ke noa a ia !

Efeso 2:8

Talie na fakamauli koutou i le kalasia, ki le tui. Ti e leaise au le nea lena meia koutou, ko le nea alofa a ia o le Atua ;

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Lua tosi ki le kau Tesalonika 2:15

Koia, fetaina, kotou tuu makeke, ti kotou taofi a akonaki ala kua kotou tali, pe i lamatou folafola, pe i lamatou tosi.

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Epelo 10:23

Ke tou taofi makeke le fakasa o latatou amanaki malie, talie e agatonu leia na fai ia le fakapapau.

Epelo 2:1

Koia e tonu ai ke tou asilisili pipiki ki nea ala kua tou logo ki ai, ke aua na tou tafea mamao meia latou i se aso.

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Epelo 4:14

Koia i le kua tou maua ai se pule fai sakilifisio leia kua ulu i le atu lagi, Sesu, le Alo o le Atua, ke tou tuu makeke i le tui leia e tou fakasa.

Sakopo 2:14

Ei oku fetaina, kolea lona aoga ki se tasi ke pati a ia e maua e ia le tui, mo kapau e leaise maua e ia a gaoi ? Pe feala ke fakamauli a ia e le tui lena ?

Sakopo 2:17

E toe fenaaki foki mo le tui : kapau e leaise maua e ia a gaoi, kae tuu toka tasi a ia, e mate a ia.

Sakopo 2:26

Ofaipe le tino sala laumalie e mate, ko le tui sala gaoi e mate foki.