Uluaki tosi ki le kau Kolinto 14:3 - Tosi Tapu

³ Kae ko leia e kikite e masau a ia ki tagata, ke faufau latou, mo fakalotomakeke latou, mo fakafimalie latou.

Uluaki tosi ki le kau Kolinto 14:3 ပူးပေါင်းရင်းမြစ်များ

Luka 3:18

Na fakasa fenaaki e Soane le logo malie ki le kakai, o toe tuku foki e ia kia latou ni iki folafola fakalotomakeke o lasi ai.

Gaoi 13:15

I le oki o le lau o le tosi o le Lao mo le kau polofeta, na kakau loa e pule o le sinakoka ke pati kia laua : Fetaina, kapau e kolua maua ni akonaki ki le kakai, ke kolua masau.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Gaoi 15:32

Ko Suta mo Silasi, ala na polofeta foki, na fakalotomakeke ia loa a fetaina mo fakamakeke loa latou ki ni akonaki mauke ai.

Gaoi 4:36

Ko Sosefo, leia na fakaigoa e le kau apositolo ko Palenapa, (ko lona uiga ko le vosa o le fakapelepele), tagata Levita, mei le motu ko Sipele,

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Loma 12:8

ko leia e fakamakeke ke pipiki a ia ki le fakamakeke ; ko leia e soli ke fai e ia mo le loto malie ; ko leia e takitaki ke fai e ia mo le loto katoa ; ti ko leia e alofa ki le kau mativa ke fai e ia mo le loto fiafia.

Loma 14:19

Koia loa, ke tou afa a nea ala e aoga ki le tokamalie ti mo le faufau.

Loma 15:2

E tonu ke tasi afa e le tagata taki toka tasi le nea leia e malie ki lona oloi, o uiga mo lona malie ti mo lona fakatuputupua i le tui.

Uluaki tosi ki le kau Kolinto 10:23

E taga nea fuli, kae e leaise aoga nea fuli ; e taga nea fuli, kae e leaise faufau nea fuli.

Uluaki tosi ki le kau Kolinto 14:12

Ti ke tatau foki mo koutou. Kapau e kotou oli ki nea alofa fakalaumalie, kotou afa ke kotou mou koloa i nea ala e faufau ia le Ekelesia.

Uluaki tosi ki le kau Kolinto 14:17

E maoki e ke fai ia ni fakafetai malilie ai, kae e leaise faufau leia ake.

Uluaki tosi ki le kau Kolinto 14:26

Kolea loa ke fai, ei fetaina ? I akoutou fakatasi, ka maua loa e ni iki se katiko, se akonaki, se levelasio, se masau kese ti mo lona fakamatala ; ke fai nea fuli ke faufau ai le Ekelesia.

Uluaki tosi ki le kau Kolinto 14:31

Talie e mafai ke kotou kikite fuli o fakaoloolo, o tupu ke akoi mo fakalotomakeke ai a tagata fuli.

Uluaki tosi ki le kau Kolinto 8:1

O uiga mo inati ala kua momoli ki taulaatua, e tou iloa e tou maua fuli le iloa. E fakamakita le iloa, kae e faufau le alofa.

Lua tosi ki le kau Kolinto 1:4

leia e fakafimalie ia maua i oma mamae fuli, o tupu ke ma mafai ia le toe fakafimalie o latou ala e nonofo i mamae, ki le fakafimalie leia na fakafimalie ai maua e le Atua !

Lua tosi ki le kau Kolinto 2:7

Koia e tonu ai ke kotou fakamolemole kiate ia, ti ke kotou fakafimalie a ia, talie ke aua na taomia a ia i se mamae lasi.

Efeso 4:29

Ke aua na vilo fua mei lokoutou gutu se masau veli, kae, mo kapau e soko, se masau malie leia e aoga ki le faufau ti mo ave ia se kalasia kia latou ala e logo ki ai.

Efeso 6:22

Kua kau kakau tafito atu a ia kia koutou, o tupu ke kotou iloa lomatou anoaga, ti ke fakafimalie e ia o okoutou loto.

Kolose 4:8

E kau kakau atu a ia kia koutou, o tupu ke kotou iloa loma anoaga, ti ke fakapelepelei e ia okoutou loto.

Uluaki tosi ki le kau Tesalonika 2:11

Ti e kotou toe iloa foki na motou fai kia koutou taki toka tasi pe se tamana ki ana fanau,

Uluaki tosi ki le kau Tesalonika 2:3

Talie e leaise fakatafito lamatou akonaki ki le kaka, pe ki ni manatu kelekele, pe ki le fakasolosolo veli ;

Uluaki tosi ki le kau Tesalonika 3:2

kae motou kakau atu kia koutou Timoteo, lomatou taina, tagata gaoi a le Atua ki le Evaselio a Kilisito, ke natu o fakamakeke koutou mo fakafimalie koutou i lakotou tui,

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Uluaki tosi ki le kau Tesalonika 4:18

Ke kotou fefakapelepeleaki ia koutou i kupui folafola ana.

Lua tosi ki le kau Tesalonika 3:12

E motou fakaafe latou ana, ti e motou kole kia latou i le Aliki ko Sesu-Kilisito, ke lotou kai lalatou pane totonu, o gaoi i le tokamalie.

Uluaki tosi kia Timoteo 1:4

ti ke aua na pipiki ki ni talatuku mo ni sologa lee oki, ala e fakatupu ia ni visi kae e leaise fakatuputupua ia le gaoi a le Atua i le tui.

Uluaki tosi kia Timoteo 4:13

O kaku ki laku kaku atu, tokaga ki le lautosi, mo le fakamakeke, mo le akonaki.

Uluaki tosi kia Timoteo 6:2

Ti ko latou ala e maua ia ni pule kua tui, ke aua na lotou matasoka kia latou, talie ko ni fetaina latou ; kae ke lotou toe asili gaoi malie ake talie ko ni fetaina agatonu mo alofaina latou ala e gaoi ki lolatou malie. Ke ke ako a nea ana kia latou ti mo ke akonaki latou.

Lua tosi kia Timoteo 4:2

ke ke fakasa le folafola : too a faigamalie fuli, pe malie pe veli ; valoki, mo fakatonutonu, mo ekenaki, i le kataki fualoa katoa ti mo le akonaki.

Tito 1:9

ti ke pipiki a ia ki le folafola maoki ofaipe lona akonaki atu, o tupu ke mafai foki e ia lana ekenaki mo lana valoki ki le akonaki totonu latou ala e fakafesagai.

Tito 2:15

Fakasa a nea ana, ekenaki, ti mo valoki i le makeke katoa. Ke aua na nukinuki se tasi kiate koe.

Tito 2:6

Ke ke ekenaki foki le kau tupulaga ke lotou fakapotopoto,

Tito 2:9

Ke ke ekenaki le kau fakasausau ke lotou fakataulalo ki olatou pule, ke lotou malilie i nea fuli kia latou, ke aua na lotou taugutu,

Epelo 10:25

Ke aua na tou tiaki latatou fakatasi ofaipe le fai masani a ni iki, kae tou feakonakiaki ia tatou, ti e toe asilisili ake le nea lena kua kotou tio kua ofi mai le aso.

Epelo 13:22

E kau kole atu kia koutou, fetaina, ke kotou tali a kupu fakamakeke anei, talie na kau fai tosi fakatoetoe atu kia koutou.

Epelo 3:13

Kae kotou feakonakiaki ia koutou i aso taki tasi, i le temi katoa koi mafai ai ke pati : I le aso nei ! talie ke aua na fakafefeka se tasi o koutou e le kaka o le agasala.

Uluaki tosi a Petelo 5:12

Kua kau tosi atu kia koutou a ga kupu teiki anei ia Silivano, leia ko se taina agatonu kiate au, ke ekenaki ai koutou ti mo fakasa kia koutou le kalasia maoki leinei o le Atua, leia e kotou pipiki ki ai.

Suta 1:20

Kae ko koutou, alofaina, ke kotou faufau koutou totonu i lakoutou tui maokioki, ti ke kotou faikole i le Laumalie Maokioki,