Uluaki tosi ki le kau Kolinto 14:25 - Tosi Tapu

²⁵ ti e fakasa loa a manatu fakapulipuli o lona loto ; ti e fakamapee loa a ia ki le kele, o atolasio ki le Atua, mo fakasa e nofo maoki ai le Atua ia koutou.

Uluaki tosi ki le kau Kolinto 14:25 ပူးပေါင်းရင်းမြစ်များ

Senesi 44:14

Na kaku loa Suta mo ona fetaina ki le fale o Sosefo, kae koi nofo Sosefo i ai, ti na lotou punou loa ki le kele i ona mua.

Pesalemo 72:11

E punou loa a sau fuli i ona mua, E tausi loa a atu puleaga fuli kiate ia.

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Sakalia 8:23

Koia e folafola ai le Eteleno o kau tau, o pati : I aso ana, e too loa e ni tagata e tino agafulu mei masau kesekese fuli o atu puleaga se tagata Sutea e toka tasi i le tapatapa o lona kofu, o pati : E motou ano loa mo koe, talie kua motou iloa kua nofo le Atua mo koutou.

Luka 17:16

Na punou loa a ia ki le kele i vae o Sesu, o fakafetai kiate ia. Ko se tagata Samalitana a ia.

Luka 5:8

I le tio a Simone Petelo ki le nea lena, na tutuli loa a ia o punou ki le kele i mua o Sesu, o pati : Aliki, fakamamao atu iate au, talie ko au ko se tagata agasala,

Luka 8:28

I lana tio kia Sesu, na kalaga loa a ia, ti na fakapulou loa a ia ki ona vae, o tagi leo lasi : Sesu, Alo o le Atua Taualuga, kolea iate au mo koe ? E kau kole atu kiate koe ke aua na ke fakamamae au.

Soane 4:19

Na pati loa le fafine kiate ia : Aliki, e kau tio ko le polofeta a koe.

Gaoi 4:13

I lalatou tio ki le tuu makeke o Petelo mo Soane, na lotou punamauli ai, talie na lotou iloa ko ni tagata laua o le kakai, ala na leaise sekola ; ti na lotou iloa na la nonofo mo Sesu.

Tetelonome 9:18

Na kau punou loa o fakatau oku mata ki le kele i mua o le Eteleno, ti na kau nofo loa i ai, ofaipe mua, i aso e kau fa mo po e kau fa, e leaise kai ti e leaise inu, o tupu ko agasala fuli ala na kotou fai, o fai le nea leia e veli ki mata o le Eteleno ke tupu ai lona sausau.

Apokalipisi 19:4

Ti ko kau matua e tino lua tupu fa, mo manu mauuli e fa, na tulolo loa, o atolasio ki le Atua leia e ekeeke i le ekeekeaga fakasau, o pati : Amene ! Aleluia !

Apokalipisi 5:8

I lana too le tosi, na tulolo loa a manu mauuli e fa ti mo matua e tino lua tupu fa i mua o le Akeno, o tasi too lana alepe ti mo ni ipu aulo kua apelepele i kaloni, ala ko faikole a le kau sagato.

Uluaki tosi a Samuele 9:19

Na tali loa Samuele kia Saulo : Ko au leia ko le tagata fai kikite. Pale i oku mua ki le ganea tapu, ti e kolua kai loa mo au i le aso nei. E kau tuku loa a koe ke ano apogipogi, ti e kau fakasa atu loa kiate koe a nea fuli ala e soko i lou loto.