Uluaki tosi ki le kau Kolinto 14:2 - Tosi Tapu

² Talie, ko leia e masau i masau kesekese e leaise masau a ia ki tagata, kae ki le Atua, talie e leaise matala se tasi kiate ia, ti e masau a ia i le Laumalie ki ni misitelio.

Uluaki tosi ki le kau Kolinto 14:2 ပူးပေါင်းရင်းမြစ်များ

Senesi 11:7

Koia tou ifo o veuki ai lalatou masau, ke aua na lotou toe felogoi ia latou.

Senesi 42:23

Na leaise lotou iloa na logo Sosefo ki alatou masau, talie na fakaaoga e Sosefo se tagata fakasokopati kia latou.

Lua tosi o Sau 18:26

Na pati loa Eliakimi, vosa o Ilekisa, mo Sepena ti mo Soake, kia Lapesake : Ke ke masau fakaalamea mai ki au tagata fakasausau, talie e motou matala loa ki ai ; kae aua se ke masau fakasutea mai kia matou, ke logo ki ai le kakai leia e tutuu i le paa.

Pesalemo 78:2

E kau fakamavaa loku gutu i ni folafola fakatata, E kau fakasa le poto mei le temi afea.

Mateo 13:11

Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Maleko 16:17

Ti ko nei a milakulo ala e soko loa kia latou ala e tui loa : E lotou kapu loa a temonio i loku suafa ; e lotou masau loa i ni masau foou ;

Maleko 4:11

Ti na pati loa a ia kia latou : Kua tuku atu kia koutou ke kotou iloa le misitelio o le puleaga o le Atua ; kae kia latou ala i tafa e fai a nea fuli anei i ni folafola fakatata,

Gaoi 10:46

Talie kua lotou logo kia latou e masau i masau kesekese, o fakakololia ki le Atua.

Gaoi 19:6

I le teki loa e Paulo ona lima kia latou, na ifo loa le Laumalie Maokioki kia latou, ti na lotou masau loa ki ni masau kesekese, ti na lotou kikite loa.

Gaoi 22:9

Ko latou ala na ano mo au na tio loa ki le malama, kae na leaise lotou logo loa ki le leo o leia na masau mai kiate au.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Uluaki tosi ki le kau Kolinto 12:10

Ki se tasi ake, le nea alofa o le fai milakulo ; ki se tasi ake, le fai kikite ; ki se tasi ake, le iloa o laumalie ; ki se tasi ake, a masau kesekese ; ki se tasi ake, le fakamatala o pati.

Uluaki tosi ki le kau Kolinto 12:28

Ti kua fakanofo e le Atua i le Ekelesia, ko le uluaki ko le kau apositolo, ko le lua ko le kau polofeta, ko le tolu ko le kau fai akonaki, ti sosolo ai mai latou ala e maua ia le nea alofa o milakulo, ti mo latou ala e maua ia a nea alofa ke fakamauli ai a masaki, ke tokoi, ke lagiaki, ke masau ki masau kesekese.

Uluaki tosi ki le kau Kolinto 13:1

Kapau e kau masau loa i pati a tagata mo le kau aselo, kae e leaise kau maua le alofa, kua kau tatau mo se fa pele leia e tagi, pe ko se fa nafa leia e gugulu.

Uluaki tosi ki le kau Kolinto 13:2

Ti kapau e kau maua loa le nea alofa o le kikite, mo le iloa o misitelio fuli, ti mo le poto katoa ; ti kapau e kau maua loa le tui katoa o kaku ki le siki o mauga, kae e leaise kau maua le alofa, ko le nea noa au.

Uluaki tosi ki le kau Kolinto 14:16

Talie kapau e ke fakafetai fai i le laumalie, pe feaki loa ke tali mai leia e fakalogo : Amene ! mo kapau e leaise iloa e ia le nea leia e ke fakasa ia ?

Uluaki tosi ki le kau Kolinto 14:26

Kolea loa ke fai, ei fetaina ? I akoutou fakatasi, ka maua loa e ni iki se katiko, se akonaki, se levelasio, se masau kese ti mo lona fakamatala ; ke fai nea fuli ke faufau ai le Ekelesia.

Uluaki tosi ki le kau Kolinto 15:51

Ko leinei, e kau fakasa kia koutou se misitelio : E leaise tou mamate fuli loa, kae e tou fetogi fuli loa,

Uluaki tosi ki le kau Kolinto 2:10

Ti kua fakasa e le Atua a nea ana kia tatou i lona Laumalie : Talie e ului e le Laumalie a nea fuli, tatau foki mo nea loloto o le Atua.

Uluaki tosi ki le kau Kolinto 2:7

Kae e ma fakasa le poto fakafufu o le Atua, leia e fufu ki le tagata, kae na fakatuutuu e le Atua, i mua o le fakatupu o le malama nei, ki lotatou kololia,

Efeso 6:19

Kotou ulufaki au, o tupu ke soli mai kiate au, mo ka kau fakamavaa loku gutu, ke kau fakasa i le loto toa ti mo le lauatea le misitelio o le Evaselio,

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,

Kolose 2:2

o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Uluaki tosi kia Timoteo 3:9

kae ke lotou taupau a koloa fakafufu o le tui i se loto mea.

Apokalipisi 10:7

kae i aso o le leo o le fitu aselo, mo ka pupusi loa e ia lana fakatagi pupusi, e fakasoko loa e le Atua lana fakatuutuu fakapulipuli, ofaipe lana fakasa fakatomua ki ana tagata fakasausau, le kau polofeta.