Uluaki tosi ki le kau Kolinto 13:5 - Tosi Tapu

⁵ e leaise fai fua e ia se nea veli, e leaise afa e ia lona malie, e leaise ita gaofie a ia, e leaise masalosalo veli a ia,

Uluaki tosi ki le kau Kolinto 13:5 ပူးပေါင်းရင်းမြစ်များ

Lua tosi a Samuele 10:3

na pati loa a pule o vosa o Amone kia Anune, lolatou pule : Pe ke masalo na kakau mai e Tavite ana tagata fakasausau ke fakapelepelei ia a koe, mo fakaapaapa ki lou tamana ? Pe leaise lotou au o tioi le kolo ke maumaui, leia e kakau mai ai e ia ana tagata fakasausau kiate koe ?

Sopo 21:27

E kau iloa malie akoutou manatu, Mo akoutou fakamaau veli ala e kotou fai kiate au.

Taagapati 14:17

Ko leia e itaita vave e fai ia ni sala valea, Ti e tupu le vesia ki le tagata leia e apele i manatu veveli.

Esaia 3:5

E fefakaveliveliaki loa le kakai ia latou ; E popula loa le tagata ki le tagata, ti e popula loa le tagata ki lona kaiga totonu. E fia nealasi loa le tama tupulaga ki le matua, Ti e fia nealasi loa le tagata noa ki le tagata mauiga.

Selemia 11:19

Na kau faipe se akeno lalata leia e ave ki le fale tamate manu, Ti na leaise kau iloa alotou fakatuutuu veveli na lotou fai kiate au : Tou maumaui le laakau mo lona fua ! Tou tuuti a ia i le kele o le kau mauli, Ti ke aua na toe manatu ki lona igoa !

Numelo 12:3

Ti na logo loa le Eteleno ki le nea lena. Ko leinei, na agamalu ai le tagata ko Moisese, o lasi ake i tagata fuli ala kua mauli i aluga o le kele.

Numelo 16:15

Na ita lasi ai Moisese, ti na pati loa a ia ki le Eteleno : Aua na ke tali alatou moliga. Na leaise kau too se asino fua e tasi ia latou, ti na leaise kau fai se nea veli fua e tasi ki se toka tasi o latou.

Numelo 32:6

Na tali loa Moisese ki vosa o Kate mo vosa o Lupeni : Pe ano loa okoutou fetaina ki le tau, kae kotou nofo loa i leinei ?

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Mateo 9:4

Ti na pati loa Sesu, i lana iloa alatou manatu loto : Kolea e kotou maua ai ni manatu veveli i okoutou loto ?

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Luka 7:39

Ko le faliseo leia na fakaafe ia Sesu, i lana tio ki le nea lena, na pati loa i lona loto : Kapau na polofeta maoki le tagata leinei, e iloa loa e ia pe ko ai le fafine leia e fafa kiate ia, mo lona anoaga totonu : ko se fafine agasala.

Uluaki tosi ki le kau Kolinto 10:24

Ke aua na afa e se tasi le nea leia e aoga kiate ia totonu, kae ke afa e ia le nea leia e aoga ki la ake.

Uluaki tosi ki le kau Kolinto 10:33

Io, ofaipe au foki, e kau faiga i nea fuli ke malie ki tagata fuli, o kau afa, o leai le nea leia e malie kiate au, kae le nea leia e malie ki le toka api, o tupu ke saofaki ai latou.

Uluaki tosi ki le kau Kolinto 11:18

Ti ko le uluaki nea, e kau logo, ka kotou fakatasi fakaekelesia, e i ai ni fakavaevaega ia koutou, ti e kau teitei tui ki ai,

Uluaki tosi ki le kau Kolinto 12:25

o tupu ke aua na i ai ni mavaevae i le tino, kae ke fetokagaaki a koga tino fuli.

Uluaki tosi ki le kau Kolinto 7:36

O uiga loa mo laua ala kua feauaki kae kua la loto ke aua na la avaga. Kapau e manatu le tagata e leaise fai nea fakaagatonu a ia ki le taine, ti kapau e pulei a ia e lona oli fakatino, o fuafua e ia e tonu ke la avaga, ti e malie ke la avaga, o fai ki lona loto, e leaise agasala a ia.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Kalate 5:13

Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.

Filipe 2:21

talie e lotou afa fuli a nea ala e aoga kia latou, kae leai a nea ala e aoga kia Sesu-Kilisito.

Filipe 4:8

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

Lua tosi ki le kau Tesalonika 3:7

E kotou iloa e koutou totonu le faifaitaki mai kia matou, talie na leaise motou mauli ia koutou i le gasueveli.

Lua tosi kia Timoteo 2:10

Koia e kau katakii ai a nea fuli o tupu ko le kau filifiliia, o tupu ke lotou maua foki le mauli leia ia Sesu-Kilisito, ti mo le kololia lee gato.

Lua tosi kia Timoteo 4:16

I loku uluaki fakamaau, na leaise tuu se tasi mo au, kae na lotou tiaki fuli au. Alofa ke aua na lau a ia kia latou.

Sakopo 1:19

Ke kotou iloa le nea leinei, ei oku fetaina alofaina : ke fakalogologo vave a tagata fuli, ke aua na masau vave, ke aua na itaita vave ;