Uluaki tosi ki le kau Kolinto 13:4 - Tosi Tapu

⁴ E kataki fualoa le alofa, ti e apele a ia i le agamalie ; e leaise loto veli le alofa ; e leaise viki tonu le alofa, ti e leaise fia nealasi a ia,

Uluaki tosi ki le kau Kolinto 13:4 ပူးပေါင်းရင်းမြစ်များ

Senesi 30:1

Na tio loa Lasele na leaise maua e ia ni fanau kia Sakopo, ti na finenonofo loa a ia ki lona taina, o pati loa a ia kia Sakopo : Soli mai kiate au ni fanau, pe kau mate !

Senesi 37:11

Na finenonofo loa ona fetaina kiate ia, kae na taupau loa e lona tamana a nea ana i lona loto.

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Pesalemo 10:5

E manuia ona ala i temi fuli ; E leaise kaku kiate ia au fakamaau, Ti e pusii e ia latou fuli ala e fakafesagai kiate ia.

Taagapati 10:12

E fakasolosolo e le vesia ni fefele, Kae e uufi e le alofa a sala fuli.

Taagapati 13:10

E tupu fai a fefele mei le fia nealasi, Kae e nofo le poto mo latou ala e fakalogo ki tokoi.

Taagapati 17:14

Ko le kamata o se fefele, ko le fakamavaa a ia o se kaua e taofi ia le vai ; I mua o le vevela o le fefele, ke ke ano o puli.

Taagapati 17:9

Ko leia e uufi ia se sala e afa ia le alofa, Kae ko leia e fakamanatu ia a ia i ana masau e veteki ia a kaukau nea.

Taagapati 19:22

Ko le nea leia e fakatupu ia le fulumalie o se tagata ko lona agamalie ; Ti e malie ake se tagata mativa i se tagata gutu loiloi.

Taagapati 31:20

E falo lona lima ki leia e mamae, E falo lona lima kia latou e fakaaloalofa.

Taagapati 31:26

E fakamavaa e ia lona gutu i le poto, Ti e maua ni tokoi malilie i lona alelo.

Ekelesiasi 10:4

Kapau e malaga le ita o lou pule kiate koe, aua na ke tiaki lou nofoaga, talie e fakamolemole ni sala lalasi e se tali agamalu.

Mateo 27:18

Talie na iloa e ia, na lotou fakatau Sesu i lolatou finenonofo.

Gaoi 7:9

Ti na finenonofo loa le kau pateliaka kia Sosefo, o lotou fakatau loa a ia ke ave ki Esipito.

Loma 1:29

Kua lotou apele i nea veveli fuli, mo fai feauaki, mo agaveli, mo manumanu ; ti kua lotou tukumanava fai ki le loto veli, mo le tukipo, mo le fefele, mo le kaka, mo le fatituu ;

Loma 13:13

Ke tou saele agatonu, ofaipe le saele i le ao, o mamao mei kai fakavale, mo le kona, mo fiafia fakavale, mo fai feauaki, mo le fefele ti mo le finenonofo.

Uluaki tosi ki le kau Kolinto 3:3

Talie koi maua ia koutou se finenonofo mo ni fefele, pe leaise kotou fakakanofi, pe leaise kotou saele o mulimuli ki le tagata ?

Uluaki tosi ki le kau Kolinto 4:18

Kae kua fia nealasi ni iki ia koutou, o sakinake na leaise tonu ke kau natu kia koutou.

Uluaki tosi ki le kau Kolinto 4:6

Talie o tupu ko koutou, fetaina, leia kua kau too ai a nea ana o fakaaoga kiate au mo Apolosio, o tupu ke kotou ako i oma tagata ke aua na fakalaka i le nea leia kua tosi, ti ke aua na nofo se tasi o koutou mo se fia nealasi, o fili leia ki leia.

Uluaki tosi ki le kau Kolinto 5:2

Ti kua kotou makita i le fia nealasi ! kae na leaise kotou mamae mua, o tupu ke too meia koutou leia kua fai ia le nea lena !

Uluaki tosi ki le kau Kolinto 8:1

O uiga mo inati ala kua momoli ki taulaatua, e tou iloa e tou maua fuli le iloa. E fakamakita le iloa, kae e faufau le alofa.

Lua tosi ki le kau Kolinto 12:20

Talie e kau i na leaise kau maua koutou, i laku tau atu, ofaipe le nea leia e kau loto ki ai, ti ke kotou maua au ofaipe le nea leia e leaise kotou loto ki ai. E kau tuania na i ai ni fefele, mo ni finenonofo, mo ni masau lalasi, mo ni fefiliaki, mo ni fatufatu, mo ni lauveli, mo ni fia nealasi, ti mo ni maveuveu.

Lua tosi ki le kau Kolinto 6:6

i le maokioki, i le iloa, i le kataki fualoa, i le agamalie, i le Laumalie Maokioki, i le alofa maoki,

Kalate 5:26

Aua na tou afa se kololia vaiga, o tou felotoveliaki mo tou fefinenonofoaki.

Efeso 4:2

i le loto fakataulalo mo le agamalu katoa, mo le kataki fualoa, o kotou fekatakiaki i le alofa,

Efeso 4:32

Ke kotou feagamalieaki ia koutou, o manavaalofa, mo fefakamolemoleaki ofaipe le fakamolemole a le Atua kia koutou ia Kilisito.

Filipe 1:15

Ko le maoki, e fakasa e ni iki a Kilisito i se finenonofo ti mo se loto fefele ; kae e fakasa a ia e ni iki ake i ni manatu malilie.

Kolose 1:11

ti ke fakamakeke koutou e lona makeke fakakololia, o tupu ke kotou matatali ia a nea fuli i le fiafia, ti ke kotou kataki fualoa tuumau.

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Kolose 3:12

Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Uluaki tosi kia Timoteo 6:4

e makita le tagata lena i le fia nealasi, e leaise iloa e ia se nea, ti kua maua e ia le masaki o vesili noa mo fefele o tupu ko ni kupu, ala e fakatupu ia le finenonofo, mo fefele, mo lauveli, mo masalosalo veli,

Lua tosi kia Timoteo 2:25

e tonu ke fakatonutonu e ia i le agamalu latou ala e agatuu, na saga e soli loa e le Atua kia latou le fakasemala ke lotou tui ai ki le maoki,

Lua tosi kia Timoteo 3:10

Kiate koe, na ke mulii totonu laku akonaki, mo le anoaga o loku mauli, mo aku fakatuutuu, mo laku tui, mo loku agamalu, mo loku alofa, mo loku kataki fualoa,

Lua tosi kia Timoteo 4:2

ke ke fakasa le folafola : too a faigamalie fuli, pe malie pe veli ; valoki, mo fakatonutonu, mo ekenaki, i le kataki fualoa katoa ti mo le akonaki.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Sakopo 4:5

Pe kotou masalo e masau noa le Tosi ? E finenonofo le Atua ki le Laumalie leia kua fakanofo e ia ia tatou.

Uluaki tosi a Petelo 2:1

Koia kotou tiaki ai a agaveli fuli, mo kaka fuli, mo malualoi, mo finenonofo, ti mo fatufatu fuli,

Uluaki tosi a Petelo 3:8

Tie fakaoki loa, ke kotou maua fuli ni manatu tatau, mo ni manatu loto tatau ; ke kotou apele i le alofa fakatautaina, mo le loto alofa, ti mo le fakataulalo.

Uluaki tosi a Petelo 4:8

I mua o nea fuli, ke kotou maua i okoutou vasaa se alofa vevela, talie E uufi e le alofa ni agasala lasi ai.

Lua tosi a Petelo 1:7

e le alofa ki le Atua le alofa fakatautaina, e le alofa fakatautaina le alofa.

Uluaki tosi a Soane 4:11

Alofaaga, kapau na alofa fenaaki le Atua kia tatou, e tonu foki ke tou fealofaaki ia tatou.