Uluaki tosi ki le kau Kolinto 13:3 - Tosi Tapu

³ Ti kapau e kau tufa loa oku koloa fuli ke fagai ai le kau mativa, ti kapau e kau tuku loa loku tino ke tutu, kae e leaise kau maua le alofa, e leaise aoga le nea lena kiate au.

Uluaki tosi ki le kau Kolinto 13:3 ပူးပေါင်းရင်းမြစ်များ

Esaia 57:12

E kau fakasa loa lou anoaga totonu, Ti e leaise aoga loa au gaoi kiate koe.

Selemia 7:8

Kae ko leinei, e kotou fanaki ki ni amanaki kaka, ala e leai sona aoga.

Mateo 23:5

E lotou fai alatou gaoi fuli ke tioi e tagata. Koia e lotou ave ai ni tukuaga tosi laulalasi, ti mo ni tapai kie loloa i olatou kofu.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 18:28

Na tali loa Petelo : Ko leinei, kua motou tuku a nea fuli kae motou muli iate koe.

Luka 19:8

Kae na tuu ake loa Sakeo i mua o le Aliki, o pati kiate ia : Aliki, ko leinei, e kau soli ki le kau mativa le vaelua o oku koloa, ti kapau na kau kaia se paaga a se tasi, e kau toe fakaliliu loa kiate ia le nea lena o liuga fa.

Soane 12:43

Talie na lasi ake lalatou fia fai ki le kololia o le tagata i le kololia o le Atua.

Soane 13:37

Na pati loa Petelo kiate ia : Aliki, kolea e leaise mafai ai ke kau muli atu iate koe i le lakaga nei ? E kau soli loa loku mauli o tupu ko koe.

Soane 15:13

E leaise alofa e toe lasi ake i le soli o lona mauli o tupu ko ona kaukau nea.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Gaoi 21:13

Ti na tali loa Paulo : Kolea e kotou fai ia, o fetagisi ke fatii ai loku loto ? Talie kua kau teuteu, o leaise gato fua ke saisai au, kae ke kau toe mate foki i Selusalemi o tupu ko le suafa o le Aliki ko Sesu.

Kalate 5:26

Aua na tou afa se kololia vaiga, o tou felotoveliaki mo tou fefinenonofoaki.

Filipe 2:3

Aua na kotou fai se nea i se loto fakatautau pe i se loto fia sa, kae i le loto agamalu ke kotou tio ki la ake o sakinake e lotou taualuga ake ia koutou totonu.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.