Uluaki tosi ki le kau Kolinto 12:3 - Tosi Tapu

³ Koia e kau fakasa atu kia koutou e leaise pati se tasi, mo ka masau a ia i le Laumalie o le Atua : e malaia Sesu ! Ti e leaise feala ke pati se tasi, mo ka e leaise masau a ia i le Laumalie Maokioki : e Aliki Sesu.

Uluaki tosi ki le kau Kolinto 12:3 ပူးပေါင်းရင်းမြစ်များ

Pesalemo 109:20

Ko lena le totogi o oku fili mei le Eteleno, Ti mo latou ala e masau veli kiate au !

Mateo 22:43

Ti na tali loa Sesu kia latou : Ti kolea na pati ai Tavite i le Laumalie Maokioki kiate ia : Aliki ! i lana pati :

Maleko 9:39

Na tali loa Sesu : Aua na kotou taofi a ia ; talie e leaise tasi leia e fai ia se milakulo i loku suafa e mafai ke masau veli kiate au.

Soane 13:13

E kotou fakaigoa au ko le Pule mo Aliki, ti e kotou pati tonu, talie ko au a ia.

Soane 13:14

Ti kapau ko au, ko le Aliki mo le Pule, kua kau fufulu okoutou vae, e tonu foki ke kotou fefufuluaki okoutou vae ;

Soane 15:26

Ka au loa le Fakapelepele, leia e kau kakau mai loa kia koutou mei le Tamana, le Laumalie o le maoki, leia e au mei le Tamana, e fakamaoki loa a ia kiate au ;

Gaoi 8:37

Ti na pati loa Filipo : Kapau e ke tui i lou loto katoa, e feala le nea lena. Ti na tali loa le enuke : E kau tui ko Sesu-Kilisito ko le Alo o le Atua.

Loma 10:9

Kapau e ke kofesio i lou gutu le Aliki Sesu, ti ka ke tui i lou loto kua toe fakatuuake a ia e le Atua mei le kau mate, e saofaki loa a koe.

Loma 9:3

Talie e kau fakaamu ake ke kau malaia mo kau motusi meia Kilisito o tupu ko oku fetaina, mo oku matua i le kanofi,

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Lua tosi ki le kau Kolinto 11:4

Talie, kapau e natu se tasi o fakasa atu kia koutou se tasi ake Sesu i leia kua motou fakasa ia atu, pe kapau e kotou tali se tasi ake laumalie i leia kua kotou tali ia, pe ko se tasi ake Evaselio i leia kua kotou tui ki ai, e kotou kataki malie le tagata lena.

Lua tosi ki le kau Kolinto 3:5

Talie ke aua na pati e ma mafai ia e maua totonu ke ma fakatupu ia se nea o sakinake e au meia maua totonu ; kae e au mei le Atua loma mafai.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Tetelonome 21:23

e leaise ke tuku loa le mate ke tau i le laakau i le pouli ki le ao. Kae e ke tanu loa a ia i le aso lena, talie ko leia e tau i le laakau ko se malaia a ia i mua o le Atua, ti e leaise ke fakakelekele loa le fenua leia e tuku atu loa kiate koe e le Eteleno, lou Atua, ke ke maua tofiga.

Apokalipisi 1:10

Na kau too loa e le Laumalie i le aso o le Aliki, ti na kau logo loa i oku muli ki se leo makeke, ofaipe se leo o se fakatagi pupusi,