Uluaki tosi ki le kau Kolinto 12:28 - Tosi Tapu

²⁸ Ti kua fakanofo e le Atua i le Ekelesia, ko le uluaki ko le kau apositolo, ko le lua ko le kau polofeta, ko le tolu ko le kau fai akonaki, ti sosolo ai mai latou ala e maua ia le nea alofa o milakulo, ti mo latou ala e maua ia a nea alofa ke fakamauli ai a masaki, ke tokoi, ke lagiaki, ke masau ki masau kesekese.

Uluaki tosi ki le kau Kolinto 12:28 ပူးပေါင်းရင်းမြစ်များ

Numelo 11:17

E kau ifo mai loa, ti e kau masau loa kiate koe i lena. E kau too ia loa se potu o le laumalie leia e nofo iate koe, o tuku kia latou, ke lotou amo mo koe le kavega o le kakai, ti ke aua na ke amo toka tasi a ia.

Maleko 16:17

Ti ko nei a milakulo ala e soko loa kia latou ala e tui loa : E lotou kapu loa a temonio i loku suafa ; e lotou masau loa i ni masau foou ;

Luka 6:14

Ko Simone, leia na fakaigoa e ia ko Petelo ; mo Atelea, lona taina ; mo Sakopo ; mo Soane ; mo Filipo ; mo Patolomeo ;

Gaoi 11:27

I aso ana, na ifo loa mei Selusalemi ki Atiokia ni polofeta.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Uluaki tosi ki le kau Kolinto 10:32

Aua na kotou liliu ko se fatu sigaaga ki le kau Keleka, pe ki le kau Sutea, pe ki le Ekelesia o le Atua,

Uluaki tosi ki le kau Kolinto 12:18

Ko leinei kua fakatuu e le Atua a koga tino taki tasi i le tino ofai ki lona finegalo.

Uluaki tosi ki le kau Kolinto 12:29

Pe lotou apositolo fuli ? Pe lotou polofeta fuli ? Pe lotou fai akonaki fuli ?

Uluaki tosi ki le kau Kolinto 12:30

Pe lotou maua fuli le nea alofa o milakulo ? Pe lotou maua fuli le nea alofa o le fakamauli masaki ? Pe lotou masau fuli ki masau kesekese ? Pe lotou fakamatala fuli a masau kesekese ?

Uluaki tosi ki le kau Kolinto 14:2

Talie, ko leia e masau i masau kesekese e leaise masau a ia ki tagata, kae ki le Atua, talie e leaise matala se tasi kiate ia, ti e masau a ia i le Laumalie ki ni misitelio.

Uluaki tosi ki le kau Kolinto 14:4

Ko leia e masau i masau kesekese e fakamakeke fua e ia a ia totonu ; kae ko leia e kikite e fakamakeke e ia le Ekelesia.

Uluaki tosi ki le kau Kolinto 14:5

E kau fakaamu ke kotou masau fuli i masau kesekese, kae e toe malie ake ke kotou kikite. E lasi ake leia e kikite i leia e masau i masau kesekese, mo kapau e fakamatala e ia lana masau ke faufau ai le Ekelesia.

Efeso 2:20

Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Efeso 3:5

Na leaise fakasa a ia ki vosa o tagata i tautupu mua, ofaipe lona fakasa i le temi nei e le Laumalie ki le kau apositolo maokioki mo le kau polofeta a Kilisito.

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Epelo 13:24

Fakaalofa ake ki okoutou kau takitaki fuli ti mo le kau sagato fuli. E fakaalofa atu kia koutou latou i Italia.