Uluaki tosi ki le kau Kolinto 12:18 - Tosi Tapu

¹⁸ Ko leinei kua fakatuu e le Atua a koga tino taki tasi i le tino ofai ki lona finegalo.

Uluaki tosi ki le kau Kolinto 12:18 ပူးပေါင်းရင်းမြစ်များ

Pesalemo 110:3

E apele lou kakai i le makeke, Mo ka ke fakatasi lau kau tau ; Mo ni kofu tapu, mei le manava o le mafoata E au kiate koe lau kau tupulaga ofaipe se sasau.

Pesalemo 135:6

Ko nea fuli ala e loto ki ai le Eteleno, e fai e ia latou, I le atu lagi mo le kele, I atu tai ti mo potu loloto fuli.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Sonasi 1:14

Koia na lotou tagi ai loa ki le Eteleno, o pati : Ei Eteleno, aua na ke tuku matou ke mamate o tupu ko le mauli o le tagata leinei, ti aua na ke teki kia matou le toto mea ! Talie ko koe, Eteleno, e ke fai le nea leia e ke loto ki ai.

Luka 10:21

I le lakaga fai lena, na fiafia loa Sesu i le Laumalie Maokioki, o pati : E kau fakavikiviki kiate koe, Tamana, Aliki o le lagi mo le kele, i lau fufu a nea ana ki le kau popoto mo le kau atamai, kae kua ke fakasa latou ki toe liliki. Io, Tamana, e kau fakavikiviki kiate koe talie ko lou finegalo malie a ia.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Loma 12:3

I le kalasia leia kua soli mai kiate au, e kau fakasa ki le tagata taki toka tasi o koutou, ke aua na maua ia se manatu lei e taualuga ake iate ia totonu, kae ke kofu ni manatu totonu, o mulimuli ki le lasi o le tui leia kua vaevae e le Atua ki le tagata taki toka tasi.

Loma 12:6

Kae tupu e tou maua ni nea alofa kesekese, o mulimuli ki le kalasia kua soli mai kia tatou, ko leia e fai kikite ke fai e ia o fakatatau ki le lasi o le tui ;

Uluaki tosi ki le kau Kolinto 12:11

Ko se Laumalie fuai e tasi leia e fai ia a nea fuli ana, ti mo tufa ia latou ki le tagata taki toka tasi o mulimuli ki lona finegalo.

Uluaki tosi ki le kau Kolinto 12:17

Kapau na fa mata le tino katoa, kofea loa le logo ? Kapau na logo katoa a ia, kofea loa le nanamu ?

Uluaki tosi ki le kau Kolinto 12:19

Kapau ko koga tino fuli ko se koga tino fuai e tasi, kofea loa le tino ?

Uluaki tosi ki le kau Kolinto 12:24

kae ko latou ala e fulumalilie, e leaise tou tokaga kia latou. Talie kua fakatuu e le Atua le tino ke tuku le fakaapaapa o lasi ake ki koga tino ala e mativa,

Uluaki tosi ki le kau Kolinto 12:28

Ti kua fakanofo e le Atua i le Ekelesia, ko le uluaki ko le kau apositolo, ko le lua ko le kau polofeta, ko le tolu ko le kau fai akonaki, ti sosolo ai mai latou ala e maua ia le nea alofa o milakulo, ti mo latou ala e maua ia a nea alofa ke fakamauli ai a masaki, ke tokoi, ke lagiaki, ke masau ki masau kesekese.

Uluaki tosi ki le kau Kolinto 15:38

Ti e soli loa e le Atua kiate ia se tino ofai ki lona loto, ti e soli e ia ki pulapula taki tasi se tino leia e ano totonu mo ia.

Uluaki tosi ki le kau Kolinto 3:5

Ko ai Apolosio, ti ko ai Paulo ? Ko ni tagata fakasausau fai laua, ala na kotou tui ai, o mulimuli ki le nea leia na soli e le Aliki kia laua taki toka tasi.

Efeso 1:5

ti na fakatuutuu fakatomua e ia tatou i lona alofa ke tou liliu ko ana fanau fufui ia Sesu-Kilisito, o mulimuli ki lona fiafia mo lona finegalo,

Efeso 1:9

ti kua fakasa e ia kia tatou le misitelio o lona finegalo, o mulimuli ki le fakatuutuu fakaalofa leia na fai e ia iate ia totonu,

Apokalipisi 4:11

E gali mo koe, ei lomatou Aliki mo lomatou Atua, ke ke maua le kololia, mo le fakamauiga, ti mo le mafimafi ; talie na ke fakatupu ia a nea fuli, ti ko lou finegalo leia e lotou maua ai ti e lotou mauli ai.