Uluaki tosi ki le kau Kolinto 12:12 - Tosi Tapu

¹² Talie, ofaipe le tino e tasi kae maua e ia ni koga tino mauke, ti ko koga tino fuli o le tino, logo ai lolatou mauke, kae lotou fau se tino e tasi : e tatau foki mo Kilisito.

Uluaki tosi ki le kau Kolinto 12:12 ပူးပေါင်းရင်းမြစ်များ

Uluaki tosi ki le kau Kolinto 10:17

Ti e tupu e ia se fa pane e tasi, ko tatou ala e toka api, e tou fau ia se tino e tasi ; talie e tou kau fuli ki se fa pane e tasi.

Uluaki tosi ki le kau Kolinto 12:20

Ka ko leinei, e mauke koga tino, kae ko le tino fai e tasi.

Uluaki tosi ki le kau Kolinto 12:27

Ko le tino koutou o Kilisito, ti ko ona koga tino koutou taki toka tasi.

Uluaki tosi ki le kau Kolinto 12:7

Kae kua soli e le Laumalie ki le tagata taki toka tasi le nea leia e tonu ke fakasa talie ke aoga ki tagata fuli.

Kalate 3:16

Ko leinei, na fai a fakapapau kia Apalaamo mo lona sakoga. Na leaise pati : mo ona sakoga, o sakinake na mauke ni sakoga, kae ko le sakoga fai e tasi : ti ki lou sakoga, ko lona uiga kia Kilisito.

Efeso 1:23

leia ko lona tino, ko le apeleaga katoa o leia e fakaapele ia nea fuli i kakai fuli.

Efeso 4:12

ki le teuteui o le kau sagato ke malie tukupau, ti mo le fai o le gaoi o le fakasausau ti mo le faufau o le tino o Kilisito,

Efeso 4:4

E i ai se tino e tasi, mo se Laumalie e tasi, ofai foki pe koutou ala na kalagai ki se amanaki malie e tasi i lokoutou vokasio ;

Efeso 5:23

talie ko le tagata ko le pule a ia o le fafine, ofaipe Kilisito ko le Pule a ia o le Ekelesia, leia ko lona tino, ti ko ia foki ko lona fakamauli.

Efeso 5:30

talie ko koga tino tatou o lona tino, o lona kanofi, mo ona ivi.

Kolose 1:18

Ko le ulu a ia o le tino, o le Ekelesia ; ko le kamataaga a ia, ko le uluaki tupu a ia mei le kau mate, o tupu ke uluaki a ia i nea fuli.

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Kolose 2:19

kae e leaise pipiki a ia ki le ulu, leia e fagai ia mo fakatasi ia le tino katoa i ona sokoga mo ona nonoa, ti e tuku ia kiate ia le tutupu o mulimuli ki lona finegalo.

Kolose 3:15

Ti ke pule i okoutou loto le tokamalie o Kilisito, leia na kalagai koutou ki ai ke kotou fau se tino e tasi. Ti ke kotou loto fakafetai.