Uluaki tosi ki le kau Kolinto 12:11 - Tosi Tapu

¹¹ Ko se Laumalie fuai e tasi leia e fai ia a nea fuli ana, ti mo tufa ia latou ki le tagata taki toka tasi o mulimuli ki lona finegalo.

Uluaki tosi ki le kau Kolinto 12:11 ပူးပေါင်းရင်းမြစ်များ

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Mateo 11:26

Io, Tamana, e kau fakafetai kiate koe talie ko lou loto ke fenaaki.

Mateo 20:15

Pe se taga kiate au ke kau fai ki loku koloa o mulimuli ki le nea leia e kau loto ki ai ? Pe ke tio fakaveli ki loku agamalie ?

Soane 3:27

Na tali loa Soane : E maua fai e le tagata le nea leia na tuku kiate ia mei le lagi.

Soane 3:8

E agi le matagi ki le ganea leia e loto a ia ki ai, ti e ke logo fua ki lona mumusu ; kae e leaise ke iloa pe au a ia meifea, pe ano a ia kifea. E toe tatau foki ki tagata fuli ala na tupu i le Laumalie.

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Loma 12:6

Kae tupu e tou maua ni nea alofa kesekese, o mulimuli ki le kalasia kua soli mai kia tatou, ko leia e fai kikite ke fai e ia o fakatatau ki le lasi o le tui ;

Loma 9:18

Koia e manavaalofa ai a ia ki leia e loto a ia ki ai, ti e fakafefeka e ia leia e loto a ia ki ai.

Uluaki tosi ki le kau Kolinto 12:18

Ko leinei kua fakatuu e le Atua a koga tino taki tasi i le tino ofai ki lona finegalo.

Uluaki tosi ki le kau Kolinto 12:4

Ti ko leinei, e i ai nea alofa kesekese, kae ko le Laumalie fuai e tasi ;

Uluaki tosi ki le kau Kolinto 12:6

mo gaoi kesekese, kae ko le Atua fuai e tasi leia e fai ia a nea fuli i tagata fuli.

Uluaki tosi ki le kau Kolinto 7:17

Ko leia fua, fetaina, ke tasi saele le tagata o mulimuli ki le vaega leia kua tuku e le Aliki kiate ia, ti mo le kalaga leia kua tali e ia mei le Atua. Ko lena le nea leia e kau fakatotonu ki Ekelesia fuli.

Uluaki tosi ki le kau Kolinto 7:7

E kau fakaamu ake ke tatau tagata fuli mo au. Kae e tali e le tagata taki toka tasi se nea alofa totonu mei le Atua, ko le tasi le nea alofa leinei, ti ko le tasi ake le nea alofa leia.

Lua tosi ki le kau Kolinto 10:13

Kia maua, e leaise ma loto ke ma fakakololia i se nea leia e tuu i tafa o koiga o le faisaga leia na tuku mai e le Atua kia maua, o ave ai maua o kaku kia koutou.

Efeso 1:11

Iate ia kua tou liliu foki ko fanau mau tofiga, talie kua filifili fakatomua e ia tatou o mulimuli ki le fakatuutuu a leia e fai ia a nea fuli o mulimuli ki le tokoi o lona finegalo,

Efeso 4:7

Kae kua soli mai kia tatou taki toka tasi le kalasia o mulimuli ki le lasi o le nea alofa o Kilisito.

Epelo 2:4

ti na fakamaoki foki le Atua kia latou i ni fakamailoga, mo ni nea fakaofolele, mo ni milakulo kesekese, ti mo ni nea alofa o le Laumalie Maokioki ala na tufaki o mulimuli ki lona finegalo.

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.