Uluaki tosi ki le kau Kolinto 12:10 - Tosi Tapu

¹⁰ Ki se tasi ake, le nea alofa o le fai milakulo ; ki se tasi ake, le fai kikite ; ki se tasi ake, le iloa o laumalie ; ki se tasi ake, a masau kesekese ; ki se tasi ake, le fakamatala o pati.

Uluaki tosi ki le kau Kolinto 12:10 ပူးပေါင်းရင်းမြစ်များ

Soele 2:28

I le oki o le nea lena, e kau liligi loa loku Laumalie ki kanofi fuli ; E kikite loa okoutou vosa mo okoutou taineliki, E fai loa e okoutou matua ni moe miti, Ti mo okoutou tagata tupulaga ni tio.

Maleko 16:17

Ti ko nei a milakulo ala e soko loa kia latou ala e tui loa : E lotou kapu loa a temonio i loku suafa ; e lotou masau loa i ni masau foou ;

Maleko 16:20

Ti na ano loa ana tisipulo o akonaki i potu fuli. Na gaoi le Aliki mo latou, ti na fakamaoki e ia le folafola ki ni milakulo na soko.

Luka 24:49

Ko leinei, e kau kakau mai loa kia koutou le nea leia na fakapapau e loku Tamana ; kae ko koutou, kotou nonofo i le kolo o kaku ki lakotou kofu le makeke mei aluga.

Soane 14:12

E maoki, e maoki, e kau pati atu kia koutou, ko leia e tui kiate au, e fai foki e ia a gaoi ala e kau fai, ti e toe fai loa e ia ni gaoi lalasi ake, talie e kau ano ki le Tamana ;

Soane 16:13

Ka au loa le Fakapelepele, le Laumalie o le maoki, e taki loa e ia koutou i le maoki katoa ; talie e leaise masau loa a ia meiate ia totonu, kae e fakasa loa e ia a nea fuli ala e logo loa a ia ki ai, ti e fakasa fakatomua loa e ia kia koutou a nea ka soko mai.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 11:27

I aso ana, na ifo loa mei Selusalemi ki Atiokia ni polofeta.

Gaoi 11:28

Ko se tasi o latou na igoa ko Akapusi, na tuu loa ki aluga o fakasa i le Laumalie, e to loa se oge lasi i le malama nei katoa. Ti na to loa le oge lena i le temi o Kolote, sau o le kau Loma.

Gaoi 19:6

I le teki loa e Paulo ona lima kia latou, na ifo loa le Laumalie Maokioki kia latou, ti na lotou masau loa ki ni masau kesekese, ti na lotou kikite loa.

Gaoi 5:3

Na pati loa Petelo kiate ia : Ananiasi, kolea kua ke tuku ai Satana ke fakaapele ia lou loto, o tupu ai lau loiloisi le Laumalie Maokioki, ti mo lau taofi se potu o le paaga o le kele ?

Loma 12:6

Kae tupu e tou maua ni nea alofa kesekese, o mulimuli ki le kalasia kua soli mai kia tatou, ko leia e fai kikite ke fai e ia o fakatatau ki le lasi o le tui ;

Loma 15:19

ki le makeke o milakulo mo nea fakamanamana, ki le makeke o le Laumalie o le Atua ; koia na kau fakamafola o lasi ai le Evaselio a Kilisito, o fai mei Selusalemi, o takatakai i fenua fuli o kaku ki Ililia.

Uluaki tosi ki le kau Kolinto 11:4

Ko le tagata fuli e faikole pe kikite, kae puloui lona ulu, e fakalumai e ia lona pule.

Uluaki tosi ki le kau Kolinto 13:8

E leaise puli le alofa i se aso. E gato loa a kikite, e gato loa a masau kesekese, e gato loa le iloa.

Uluaki tosi ki le kau Kolinto 14:13

Koia ko leia e masau i se masau kese, ke kole e ia le nea alofa o le fakamatala.

Uluaki tosi ki le kau Kolinto 14:39

Koia loa, fetaina, kotou oli ki le kikite, ti aua na kotou taofi ke masau i masau kesekese.

Kalate 3:5

Ko leia e soli atu ia kia koutou le Laumalie, ti mo fakasoko ia ni milakulo ia koutou, pe fai e ia a nea ana o tupu ko gaoi o le lao, pe tupu ko le akonaki o le tui ?

Uluaki tosi ki le kau Tesalonika 5:20

Aua na kotou fakanoai a kikite.

Epelo 2:4

ti na fakamaoki foki le Atua kia latou i ni fakamailoga, mo ni nea fakaofolele, mo ni milakulo kesekese, ti mo ni nea alofa o le Laumalie Maokioki ala na tufaki o mulimuli ki lona finegalo.

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Apokalipisi 2:2

E kau iloa au gaoi, mo lou pakia, ti mo lou kataki fualoa. E kau iloa e leaise ke mafai ia le katakii o le kau agaveli ; ti kua ke asiasii latou ala na pati ko apositolo kae e leai, ti kua ke iloa ko le kau gutu loiloi latou ;