Uluaki tosi ki le kau Kolinto 11:25 - Tosi Tapu

²⁵ Ti na fenaaki foki, i le oki o le kai, na too loa e ia le ipu, o pati : Ko le ipu leinei o le sai foou i loku toto ; kotou fai le nea leinei ko se fakamanatu kiate au, i temi fuli ala e kotou inu ai loa a ia.

Uluaki tosi ki le kau Kolinto 11:25 ပူးပေါင်းရင်းမြစ်များ

Ekesote 24:6

Na too loa e Moisese le vaelua o le toto o manu o tuku ki ni pesini, kae na liligi loa e ia leia ake vaelua ki aluga o le aletale.

Ekesote 24:8

Na too loa e Moisese le toto o afusi ki le kakai, o pati : Ko le toto leinei o le sai leia kua fai e le Eteleno mo koutou o mulimuli ki ana folafola fuli.

Selemia 31:31

E pati le Eteleno : E soko mai loa a aso, Ala e kau fai ai loa mo le fale o Iselaele mo le fale o Suta, Se sai foou,

Luka 22:20

I le oki o le kai, na toe too foki e ia le ipu, o soli a ia kia latou, o pati : Ko le ipu leinei o le sai foou i loku toto, leia e liligi o tupu ko koutou.

Uluaki tosi ki le kau Kolinto 10:16

Ko le ipu o le tapuakina leia e tou tapuakii, pe leaise ko le komunio a ia ki le toto o Kilisito ? Ti ko le pane leia e tou tofitofi, pe leaise ko le komunio a ia ki le tino o Kilisito ?

Uluaki tosi ki le kau Kolinto 11:24

ti i le oki o lana fakafetai, na tofitofi loa e ia a ia, o pati : ko loku tino leinei, leia kua tofitofi o tupu ko koutou ; kotou fai le nea leinei o fakamanatu kiate au.

Lua tosi ki le kau Kolinto 3:14

Kae kua lotou liliu o fefeka i olatou atamai. Talie o kaku mai ki le aso nei, e koi tuumau le pulou lena mo ka lotou lau le Tausi Afea, ti e leaise toe puli le kie lena, talie koi puli a ia ia Kilisito.

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,