Uluaki tosi ki le kau Kolinto 10:4 - Tosi Tapu

⁴ ti na lotou inu fuli le nea inu fakalaumalie e tasi, talie na lotou inu i se utu fakalaumalie leia na mulimuli ia latou, ti ko le utu a ia ko Kilisito.

Uluaki tosi ki le kau Kolinto 10:4 ပူးပေါင်းရင်းမြစ်များ

Senesi 40:12

Na pati loa Sosefo kiate ia : Ko leinei le fakamatala o lau moe miti : Ko laa vite e tolu ko aso ana e tolu.

Senesi 41:26

Ko pipi fafine fulumalilie e fitu ko fetuu ana e fitu ; ti ko taulu fulumeto fulumalilie e fitu ko fetuu ana e fitu. Ko se moe miti e tasi.

Pesalemo 105:41

Na fakamavaa loa e ia le utu, ke sali mei ai le vai ; Ti na tafe loa le vai ofaipe se vaitafe i ganea malo.

Pesalemo 78:15

Na fakamafaa loa e ia ni utu i le toafa, Ti na soli loa e ia kia latou ni vai ke lotou inu ;

Pesalemo 78:20

Ko leinei, na taai e ia le utu, ti na sali ni vai, Ti na tafe ni liua : Pe mafai loa ke soli foki e ia se pane, Pe ko se kanoi manu ki lona kakai ?

Ekesote 17:6

Ko leinei, e kau tuu loa i ou mua i le utu o Olepe ; ti ke taai loa le utu, ti e tafe loa mei ai se vai, ti e inu loa le kakai. Ti na fai fenaaki loa e Moisese i mua o le kau matua o Iselaele.

Esaia 43:20

E fakakololia loa kiate au a manu o faisaga, A kuli vao mo otulusi, Talie e kau tuku loa ni vai i le toafa, Ni vaitafe i le potu lavaki, Ke fakainu ai loku kakai, loku filifiliia.

Esaia 48:21

Ti e leaise lotou fia inu loa i toafa ala e taki loa e ia latou ki ai : E fakasali loa e ia kia latou le vai i le utu, E fakamafaa loa e ia le utu, Ti e sali loa le vai.

Taniela 2:38

kua toe soli foki e ia ki ou lima, i ganea fuli ala e lotou nonofo ai, a fanau a tagata, mo manu o le vao, mo manu lele o le lagi, ti kua tuku e ia kiate koe le pule kia latou fuli : ko koe leia ko le fa ulu aulo.

Taniela 7:17

Ko manu lalasi ana e fa ko sau e fa ala e malaga ake loa i le malama nei ;

Numelo 20:11

Ti na siki loa e Moisese lona lima, ti na taai tua lua loa e ia le utu ki lona tokotoko. Na sali loa se vai lasi. Na inu loa le kakai mo manu.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 7:37

I le aso fakaoki, ko le aso tafito a ia o le aso lasi, na tuu loa Sesu, o kalaga : Kapau e fia inu se tasi, ke au a ia kiate au, ti ke inu a ia.

Kalate 4:25

talie ko Akale, ko le mauga a ia o Sinai i Alapia, ti e fai a ia pe le Selusalemi o le temi nei, leia e nofo i le popula mo ana fanau.

Tetelonome 9:21

Na kau too loa le uviki pipi, le fua o lakoutou agasala, ti na kau tutu loa a ia i le afi. Na kau fatifatii loa a ia, ti na kau tuki loa a ia o momomomo ofaipe se efu, ti na kau tiaki loa le efu lena ki le liua leia e ifo mei le mauga.

Kolose 2:17

Ko nea fuli ana ko le ata o nea ala ka soko mai, kae ko le tino ko Kilisito.

Epelo 10:1

Ko le lao, leia e maua ia se ata o nea malilie ka au, kae leai le maoki totonu o nea, e leaise mafai ia i se aso ke ave ia ki le malie tukupau latou ala e fakafeofi ki le Atua, talie e tonu ke fai tuumau a sakilifisio ana, i fetuu fuli.

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.