Uluaki tosi ki le kau Kolinto 10:14 - Tosi Tapu

¹⁴ Koia, ei oku alofaaga, kotou sosola mei le tausi ki taulaatua.

Uluaki tosi ki le kau Kolinto 10:14 ပူးပေါင်းရင်းမြစ်များ

Gaoi 15:20

kae ke tou fai se tosi kia latou ke lotou fakamamao mei fakalialia o taulaatua, mo le fai feauaki, mo manu mamate, ti mo le toto.

Loma 12:19

Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Uluaki tosi ki le kau Kolinto 10:15

E kau masau atu ki ni tagata poto ; kotou fakamaaui totonu le nea leia e kau masau atu ki ai.

Uluaki tosi ki le kau Kolinto 10:19

Kolea loa le uiga o laku pati ? Pe ko se nea koia le inati leia e momoli ki taulaatua ? Pe ko se nea koia se taulaatua ? Leai ai.

Uluaki tosi ki le kau Kolinto 10:7

Aua na kotou tausi taulaatua, ofaipe ni iki o latou, o mulimuli ki le nea leia e tuu i le tosi : Na tonatona loa le kakai o kai mo inu, ti na lotou tutuu ake loa o fakafiafia.

Uluaki tosi ki le kau Kolinto 5:11

Ko leinei, ko le nea leia kua kau tosi atu kia koutou, ke aua na kotou fakatasi mo se tasi leia e igoa ko se taina kae fai feauaki a ia, pe manumanu paaga, pe tausi taulaatua, pe nukinuki, pe inu kava, pe kaia tagata, ti ke aua foki na kotou kai mo se tagata fenaaki.

Lua tosi ki le kau Kolinto 11:11

O tupu kolea ?… Talie e leaise kau alofa kia koutou ?… E iloa a ia e le Atua !

Lua tosi ki le kau Kolinto 12:15

Kiate au, e kau fiafia lasi loa i le soli o nea fuli ala e kau maua mo loku mauli totonu o tupu ko okoutou laumalie. Pe kotou alofa ikiiki loa kiate au, mo kapau e kau alofa lasi kia koutou ?

Lua tosi ki le kau Kolinto 12:19

Lagi kua fualoa lakotou pati e ma fakamatatonu ia maua i okoutou mua. E ma masau atu i mua o le Atua, ia Kilisito : ti ko nea fuli ana, alofaaga, e ma fakasa atu o tupu ke lagai ai koutou ki aluga.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Filipe 4:1

Koia, ei oku fetaina alofaina, koutou ala ko loku fiafia mo loku palaa, ke kotou tuu mau i le Aliki, ei oku alofaaga !

Filemo 1:1

Ko au Paulo, ko le tagata pilisoni a Sesu-Kilisito, ti mo le taina ko Timoteo, kia Filemo, ko loma alofaaga mo loma kaukau nea i le gaoi,

Epelo 6:9

Kae logo ai kua motou masau fenaaki, alofaaga, e motou talitali o uiga mo koutou ki ni nea malilie tukupau mo aoga ki le saofaki.

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.

Uluaki tosi a Soane 5:21

Fanau liliki, kotou fakamamao mei taulaatua.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !