Uluaki tosi ki le kau Kolinto 1:8 - Tosi Tapu

⁸ Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Uluaki tosi ki le kau Kolinto 1:8 ပူးပေါင်းရင်းမြစ်များ

Pesalemo 37:17

Talie fatifati loa a lima o tagata agaveli, Kae fakamauli loa le Eteleno le kau agatonu.

Pesalemo 37:28

Talie e alofa le Eteleno ki le faitotonu, Ti e leaise tiaki e ia lana kau agatonu : E taupau tuumau e ia latou. Kae e motusi e ia le sakoga o le kau agaveli.

Luka 17:24

Talie, ofaipe le uila e tapa mei le tasi potu lagi o fakamalama le tasi potu lagi, e toe fenaaki loa le Vosa o le tagata i lona aso.

Luka 17:30

E toe tatau loa i le aso leia e sa mai ai loa le Vosa o le tagata.

Loma 14:4

Ko ai a koe, ke ke fakamaaui ia le tagata fakasausau a se tasi kese ? Kapau e tuu a ia i aluga, pe siga a ia ki lalo, a le pule fai le nea lena. Kae e tuu loa a ia i aluga, talie e maua e le Aliki le makeke ke fakatuu ake ai a ia.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Loma 8:19

Koia e talitali ai le malama nei mo se oli mamae ki le fakasa o vosa o le Atua.

Uluaki tosi ki le kau Kolinto 3:13

Talie e fakasa loa a ia i le aso, talie e fakasa loa a ia e le afi ; ti e asiasii loa e le afi le anoaga o le gaoi a le tagata taki toka tasi.

Uluaki tosi ki le kau Kolinto 5:5

ke tuku le tagata lena kia Satana ke maumaui le tino, kae ke fakamauli le laumalie i le aso o le Aliki ko Sesu.

Lua tosi ki le kau Kolinto 1:13

Talie e leaise ma tosi atu kia koutou se nea kese i le nea leia e kotou lau ia, ti mo kotou matala ki ia. Ti e kau amanaki foki e kotou kaku loa o matala malie ki le nea leinei i le fakaoki :

Lua tosi ki le kau Kolinto 1:14

I le aso nei kua kotou kamata iloa ko lokoutou kololia ko maua, kae e kotou liliu loa ko loma kololia i le aso o le Aliki Sesu.

Lua tosi ki le kau Kolinto 1:21

Ti ko leia e fakatuumakeke ia maua o fakatasi mo kotou ia Kilisito, ti na pani lolo ia tatou, ko le Atua,

Efeso 5:27

talie ke fakatuu i ona mua le Ekelesia lena i lona kololia, sala ila, sala mafetufetu, sala maimoa, kae maokioki mo lee mele.

Filipe 1:10

talie ke kotou iloa a nea ala e malilie tukupau, o tupu ke kotou mea mo lee mele ki le aso o Kilisito,

Filipe 1:6

E kau iloa papau ko leia na kamata ia ia koutou le gaoi malie lena e fakasoko ia loa a ia ke malie tukupau o kaku ki le aso o Sesu-Kilisito.

Kolose 1:22

o tupu ke fakatuu e ia koutou i ona mua kua maokioki, mo lee mele, ti mo sala valoki,

Kolose 2:7

o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Uluaki tosi ki le kau Tesalonika 5:2

Talie kua kotou iloa papau e koutou totonu ko le aso o le Aliki e au loa ofaipe se tagata kaia i le pouli.

Lua tosi ki le kau Tesalonika 2:2

ke aua na gaga faigaofie lakoutou fakakaukau, ti ke aua na kotou oso noa, o tupu ko se tio fakalaumalie, pe ko se kikite, pe ko se tosi sii meia matou, o sakinake kua soko le aso o le Aliki.

Lua tosi ki le kau Tesalonika 3:3

E agatonu le Aliki, e fakamakeke loa e ia koutou, ti e puipui loa e ia koutou mei leia e veli.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Lua tosi kia Timoteo 1:18

Ke alofa le Aliki o tuku kiate ia lona manavaalofa i tafa o le Aliki i le aso lena. E ke iloa malie le lasi o nea fuli ala na fai e ia kiate au i Efeso.

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Lua tosi a Petelo 3:10

E au loa le aso o le toe liliu mai o le Aliki ofaipe se tagata kaia ; i le aso lena, e puli loa le atu lagi i se gugulu lasi, ti e vela loa a nea fuli i le lagi o okioki, ti e toe vela loa o okioki le kele mo gaoiaga i ai.

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.