Uluaki tosi ki le kau Kolinto 1:28 - Tosi Tapu

²⁸ ti kua filifili e le Atua a nea veveli o le malama nei, mo nea vesiainai, mo nea noa, ke maumaui ai a nea ala e mauiga ki le malama nei,

Uluaki tosi ki le kau Kolinto 1:28 ပူးပေါင်းရင်းမြစ်များ

Sopo 34:24

E fatii e ia le kau lalasi sala mo sakili logo, Kae toe fakanofo e ia ni iki o fetogi latou ;

Pesalemo 32:10

E lasi ni mamae e maua e le tagata agaveli ; Kae ko leia e fanaki ki le Eteleno e takatakai a ia e lona kalasia.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 37:36

Na ulu mai loa le aselo o le Eteleno, o tamate i le nofolaga solia o le kau Asilia, a tagata solia e tino lelau tino valu tupu lima afe. I le ala usu ake, ko leinei kua lotou mamate fuli.

Esaia 41:12

E ke afa loa latou, kae e leaise ke maua loa latou, Latou ala na fakatupu fefele atu kiate koe ; E fakaliliu loa latou ko ni nea noa, e lotou pupuli loa, Latou ala na fai ia le tau kiate koe.

Loma 4:17

Kua kau fakanofo a koe ko le tamana o ni puleaga mauke ai. Ko ia ko lotatou tamana i mua o leia na tui a ia ki ai, le Atua, leia e soli ia le mauli ki le kau mate, ti e pati ki nea ala e leikiaise tupu pe ni nea kua tupu.

Uluaki tosi ki le kau Kolinto 1:20

Kofea le poto ? Kofea le sekelipa ? Kofea le tagata fakavisi o le malama nei ? Pe na leaise fakamaoki le Atua ko se valea le poto o le malama nei ?

Uluaki tosi ki le kau Kolinto 2:6

Kae ko se poto leia e motou fakasa ia latou ala e saosaoa, poto leia e leaise au mei le sekulo leinei, pe mei pule o le sekulo leinei, ala ka maumaui loa.

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Tetelonome 28:63

O tatau mo le fiafia leia na maua e le Eteleno o fai kia koutou le nea malie ti mo liuliuga koutou, e toe tatau foki mo le fiafia leia e maua loa e le Eteleno o tamate koutou ti mo maumaui koutou. Ti e taaki loa e ia koutou mei le kele leia e ke ulu loa ki ai o maua tofiga.

Lua tosi ki le kau Tesalonika 2:8

Ti ka oki a ia, e sa loa le tagata Agaveli, leia e tamate loa e le Aliki Sesu ki le tukumanava o lona gutu, ti mo maumaui loa ki le gigila o lana toe liliu mai.

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Apokalipisi 18:17

Ti ko pailate vaka fuli, mo latou fuli ala e folau vaka ki le ganea lena, mo le kau matelo, ti mo latou fuli ala e gaoi i le tai, na tutuu loa mei mamao,