Uluaki tosi ki le kau Kolinto 1:17 - Tosi Tapu

¹⁷ Talie na leaise kakau mai au e Kilisito ke fai papitema, kae ke fakasa ia le Evaselio, ti ko le nea lena sala mo le poto o le masau, o tupu ke aua na fakaliliu o noa le koluse o Kilisito.

Uluaki tosi ki le kau Kolinto 1:17 ပူးပေါင်းရင်းမြစ်များ

Soane 4:1

I le iloa e le Aliki kua logo le kau faliseo, na fai e ia ti na papitema e ia ni tisipulo o toka api ake ia Soane,

Soane 4:2

(kae na leaise ko ia totonu leia na faipapitema, kae ko ana tisipulo,)

Gaoi 10:48

Ti na fakatotonu loa e ia ke papitema latou i le suafa o le Aliki. Ti na lotou kole loa kiate ia ke toe nofo mua mo latou i ni iki ake ga aso.

Uluaki tosi ki le kau Kolinto 2:1

Kiate au, fetaina, i laku natu kia koutou, na leaise kau natu o fakasa atu kia koutou le fakamaoki o le Atua i se masau malie pe ko se poto lasi.

Uluaki tosi ki le kau Kolinto 2:13

Ti e ma masau ki nea ana, o leai i ni masau ala e ako mai e le poto fakatagata, kae ki ni masau ala e ako mai e le Laumalie, o fakaaoga se masau fakalaumalie ki nea fakalaumalie.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 10:10

Talie e pati : e mamafa mo makeke ana tosi ; kae ka nofo totonu a ia, e gaegae fua a ia, ti e veli lana masau.

Lua tosi ki le kau Kolinto 11:6

Kapau e leaise kau poto i le masau, kae e leaise kau fenaaki i le iloa, ti na ma fakasa le nea lena kia koutou o lasi ai i nea fuli.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Lua tosi a Petelo 1:16

Talie na leaise motou fakasa atu kia koutou le mafimafi mo le toe liliu mai o lotatou Aliki ko Sesu-Kilisito, o mulimuli ki ni talatuku ala na motou fau fakapoto, kae o tupu kua motou tio maoki ki lona kololia ki omatou mata totonu.