Yon 8:29 - Got Weng Abem

²⁹ Kinim kan ata namadála tasi be naso be, kale aka nalafin namadáloma bá, watawo kaleyo bá, aka yaknámin kanamalo nakba uyo sun kuw kanamá bidino kayo am aket uyo kalfalnamába kala.”

Got weng abem: Alokso abino kalin

²⁹ Kinim kan ata namadála tasi be naso be, kale aka nalafin namadáloma bá, watawo kaleyo bá, aka yaknámin kanamalo nakba uyo sun kuw kanamá bidino kayo am aket uyo kalfalnamába kala.”

Yon 8:29 ပူးပေါင်းရင်းမြစ်များ

Matiyu 17:5

Kal bom bakam sadane ibin kait ta be falfal namas imudane, ibin tem kaokal weng mak bako kala ka. “Bela nalam Man ade naka am aket ki atin yakabesi. Ade naka atin am idak ki teinbi. Kale kiba kidela am weng kidilaw bom nadiwo kala.” Kalesa.

Matiyu 3:15

Yesus weng atung fakadu bakodaw, “kamane bo kanodumo! Nuka kanodokabuw namti, Got alam aket kukuw kidel adikum kanoduko, kalba uyo matam dam abudokabu ka.” Kalane, afan Yon ayo alam weng bakoda ki abo kanodawsa.

Matiyu 3:17

weng mak abid tikino kaw tam kalo bako nadale, “bela nalam man, nam aket dukum uyo amal kal bu ade naka am idak teinbi.” Kalesa ko.

Yon 14:31

Kata bakan kayak iyo natamomo, naka Natim aket kudawsi kayo naka alam kanodalo nakba uyo afan kuw kanamala ka. Nakino kaleyo bute.” Kalbane. “Kala tadiw unumo.” Yakeisa ko.

Yon 15:10

Kale kiba nam kanamino yakbi uyo kidilokabiw, beta kiba nam kim aket kukáyamin tem bokabiw, beyo ki nakal Natim ami kanamalo nak bada kidi bom alam aket kukánamin tem bi taw kala.

Yon 16:32

Kata am dánámin tadbu aude tadu. Kale kiba kadi sakun dá yak abe maek abe au nadiwe, ú alam abiw una una audom nalafin namadálongin keimiw, kata naka nalafin bá, Natim Got ayo nalaso be kala.

Yon 17:4

Naka kam win uyo kufo kudew madák bakan dim nadi kalam kanamalo, nakeisaw uyo kano banima kubi.

Yon 4:34

Yesus ayo bakoyam, “nam wanin uyo ki Got namadála tasi ami aket mok fidin ade ami wok adikum adik faká tei kilálono kalin uta ko.”

Yon 5:30

Kale naka ufek ufek mak nalam aket tei kanamomi danim, kata naka afetin uyo nalam Natim weng kidi nadino kuw kanamokabi, beta nam afetin uyo kidel keidokabu kala. Kale be watawo kaleyo bá, naka nalam aket tei kanamomi bá, kata Natim namadála tasi, am aket fukanin uta kunamano, kuw kanamin kayo ko.”

Yon 6:38

Nam abid tikin kalo tasi, be nalam aket tein tasi bá, kata Got alata namadála madák ami aket fukanin uta kidelono, kale tasi.

Yon 8:16

Kata naka afeta imudon kalomi nam bo ken. Kale be nalafin bá, naka Natim namadála tasi alaso todbi kayo kala.

2 Timoti 4:17

Kata Kamok ata kuw nam kayak kei nadale alam kitid uyo kunamano, kayo naka adikum sung kidel uyo adikum Mifiw wanang kinim iliso ken bakoyami kidisiw ade naka iniman atud layon ami kail tem uyo Kamok ta bom kail bá takeikunamsa.

2 Timoti 4:22

Kale Kamok aka kam sinik so badane, min gelemin ukal kawso budu audin kala.

Ibidu 4:15

Kale num bokal kayak aka ken num ban keimin kinkino yakin kinim, aka leiw adikum bo ban keimin ta bom num aket takoyamono kanabu taw kanadawsu, kata aka ban mak keidongin banim keise.

Ibidu 7:26

Kaleyo Yesus aka utam yaknámin uta iwa buduw kale kuyamába, kayo nuka Yesus ami abin abem kukuw umi sung uta bakayabuw. Kale aka kinim abem ade ami ban keimin banim ade aka yak kinim ban keimin faleyamin banim, kayo Got ayo dew tam abid tikin kal Abin Atin Abem dukum wakudawase kala.

1 Yon 2:1

Nalam muduw kiba, sauk kon bela goduyamino, kiba ban keimin uyo kudálin kala, kale nadino ko. Kan ata ban keiba namti, Yesus ata kuw kukuw kidel kanamin kinim, kale ata num guew dudu num sung Natim Got bakadaba.

1 Yon 3:22

yaknámin kudumo kale dákadáluw uyo kudamum kala. Kale be watawo kaleyo bá, alo nuka alam kanamino, yakba uyo kana bom aket kalfalin kukádabuw kayo make.