Yon 3:19 - Got Weng Abem

¹⁹ Kale wanang kinim imi taktaka imkanba umi dam ude bulata ko. Naka Got alamiyo Lánin abid tikin kalo madák bakan tasi, kata wanang kinim iyo Lánin be aket kudawongin banim dako nadiwe midilin ki aket kumamsiw. Be watawo kaleyo bá, ika kukuw mafak seng keimusiw kayo.

Got weng abem: Alokso abino kalin

¹⁹ Kale wanang kinim imi taktaka imkanba umi dam ude bulata ko. Naka Got alamiyo Lánin abid tikin kalo madák bakan tasi, kata wanang kinim iyo Lánin be aket kudawongin banim dako nadiwe midilin ki aket kumamsiw. Be watawo kaleyo bá, ika kukuw mafak seng keimusiw kayo.

Yon 3:19 ပူးပေါင်းရင်းမြစ်များ

Luk 12:47

Kale yak wok fakudin kinim ayo alam tabalasew aket fukanin bude alam kal ade aka kudew tabe bom kidel bom fasko bom nadano bá ade kudá bom lumlum alayo alam tabalasew tad nadale imuk kuw fau bi dawtidokaba ko.

Luk 16:14

Fedasi moni aket kumamsiw iyo weng adikum bela kidi nadiwade Yesus atafi bom aban fakadáwiwe,

Yon 1:4

Kale ata kuw Motabid kayo sun biyámin be kinim imi Lánin

Yon 1:5

ade Lánin be midilin tem eidába. Kale midilin be wakbak Lánin ayo ten daudomu banim kala.

Yon 12:31

“Kale kamane bakan beyo ki taktakin atan mewso keidu. Kale kamane adikum bakan kayak imi kamok ayo Mafakim fotaba sakabongin keima.

Yon 12:43

watawo kaleyo bá, kinim ita win kufoyamino, kale nadiwo kayo ika Got ata win kufoyamako, kalin bo kudásiw ko.

Yon 12:46

Kale naka bakan dim lánin madák tasi. Kale kan kinim ata nalam aket kunamokaba, aka midilin tem teinoma bá.” Kalesa.

Yon 5:44

Kiba akanum win dukum bede kudawa kudawa keimaliw, kata kiba win dukum Got amiyo tadebu uyo kudulumo kaloliw banim. Kale kiba yakno yakno kal kei afan kalokabiwe?

Yon 7:17

Kata kan kinim ata Got weng abodon kala, aka umi mit uyo kidela kal kei nadano nam kukubi be Got amiyo bade nalam weng adik dáw bakanbine, kalak kala.

Yon 7:7

“Kale kiba bakan kayak ika sakik itamodiw bá, kata naka sakik natamsiw, bo watawo kaleyo bá, naka im kukuw mafak kanamin, kin wala nadine bakaya bidino kayo ka.

Yon 8:12

Yesus ayo asiki kinim weng bakoyam, “naka bakan kayak imi Lánin kinim, kale kan ata nam yán abodon kalokaba, aka midilin tem kámoma banim ade aka eidin dim ki biyámokaba.” Yakei sadano,

Yon 9:5

Kale naka bakan kadák bi, be naka bakan kayak imi lánin keiyamabi kala.” Kalbane,

Udom 1:32

Kale ika ilim kal, Got weng abem uyo bako, kan ata kanodin kukuw faku biyama namti, be fikalako, kalesu, kata ika ulum kano kukuw mafak mafak uyo kanamusiw. Ade kinim wanang madik imi kukuw mafak fakusiw bo im aket ken kanabiwo, yakanusiw ko.

Udom 2:8

Kata kinim wanang madik ika sanung wan bom nadiwe weng tatun uyo báyo, wakei nadiwe yak leiw mafak uta abosiw. Kale Got alam sok gei imkanin so keng so uyo kuyamokaba ko.

2 Tesalonaikka 2:12

afan kalin weng uta afan kalongin danim, kata ban keimin kalfalin uta kudew maek abin dásiw kayo Got ayo imadála yak as abokabiw.

1 Bita 2:8

Ade alo yak Got godin weng mak utane bakoyam, “tum belata wanang kinim iyo umi dim di diki bom gidin si imadák kámodokabano, yakbu ko.” Kale im di diki bom gidinbiw, be watawo kaleyo bá, ika Got sung kidel uyo afan kalongin danim, kayo kale be Got alata be kanodino, yakba kayo ko.

2 Bita 3:3

Kale kamakal bela utam kal keidomane, am afung am tadokabu, kinim madik mak tadokabiw imi biyámin uyo ilim aket mok fidin mafak uta yán abo bom nadiwe ika tinol fakadáyam bom ididyam bom nadiwe bako,